വിരമിക്കൽ ദിവസം തൂങ്ങിമരിച്ച പൊലീസ് ഓഫീസറെ സമൂഹ്യമാധ്യമത്തിൽ അപമാനിച്ചു അസഭ്യകമന്റ്; യുവാവ് പിടിയിൽ

കോതമംഗലം: വിരമിക്കൽ ദിവസം തൂങ്ങി മരിച്ച പൊലീസ് ഓഫീസറെ സമൂഹമാധ്യമത്തിൽ അപമാനിച്ച തലക്കോട് സ്വദേശി യുവാവ് പിടിയിൽ  ഊന്നുകൽ പുത്തൻകുരിശ് പുത്തൻപുരയിൽ പി ടി അനൂപാണ് (30) പിടിയിലായത് . മെയ് 31 ന് സർവീസിൽ നിന്ന് വിരമിക്കേണ്ടിയിരുന്ന തൃശൂർ പൊലീസ് അക്കാദമിയിലെ എസ് ഐ സുരേഷ്‌കുമാർ മരിച്ച വിവരം ഫേസ്‌ബുക്കിൽ പോസ്റ്റ് ചെയ്തിരുന്നു.

ഇതിന്റെ കമന്റ് ബോക്‌സിൽ അസഭ്യം ഉൾപ്പെടുത്തി അനൂപ് പ്രതികരിച്ചിരുന്നു. ഇയാളുടെ കമന്റ് കഴിഞ്ഞദിവസം സമൂഹമാധ്യമങ്ങളിൽ വൻതോതിൽ പ്രചരിച്ചിരുന്നു. സമൂഹമാധ്യമം വഴി അപകീർത്തിപ്പെടുത്തിയതിനും അസഭ്യം പറഞ്ഞതിനുമാണ് കേസ്. രണ്ട് ദിവസം മുങ്ങി നടന്ന ഇയാളെ ഊന്നുകൽ സിഐ പി ലാൽകുമാറും സംഘവും ചേർന്ന് ഇന്ന് വൈകിട്ടോടെ പിടികൂടുകയായിരുന്നു.