കണ്ണൂർ:മട്ടന്നൂർ കോളാരിയിൽ ചന്ദന മുട്ടികളുമായി രണ്ടു പേരെ മട്ടന്നൂർ പൊലീസ് അറസ്റ്റ് ചെയ്തു.5.50 കിലോ വരുന്ന 12 ചന്ദന മുട്ടികളാണ് പിടികൂടിയത്. രഹസ്യവിവരത്തിന്റെ അടിസ്ഥാനത്തിൽ കോളാരി ടൗണിൽ നടത്തിയ പരിശോധനയിലാണ് കോളാരി സ്വദേശികളായ എ.അശോകൻ (47), എസ്‌പി.നാസർ (43) എന്നിവർ പിടിയിലായത്. കൂടെയുണ്ടായിരുന്ന വിജേഷ് എന്നയാൾ ഓടി രക്ഷപ്പെട്ടു. പിടിയിലായ പ്രതികളെ മട്ടന്നൂർ മജിസ്ട്രേറ്റിനു മുമ്പാകെ ഹാജരാക്കി റിമാൻഡ് ചെയ്തു. പിടികൂടിയ ചന്ദനമുട്ടികൾ പൊലീസ് വനം വകുപ്പിന് കൈമാറും.