പന്നിഫാമിലേക്കുള്ള കോഴി മാലിന്യം എന്ന നിലയിൽ ഒളിപ്പിച്ചു കടത്തിയത് മാഹിയിൽ നിന്നുള്ള മദ്യം; വയനാട് സ്വദേശി അറസ്റ്റിൽ

തലശേരി: പന്നിഫാമിലേക്കെന്ന വ്യാജേനെ കോഴി മാലിന്യത്തിൽ ഒളിപ്പിച്ചു കടത്തിയ മാഹി മദ്യം പിടികൂടി. പാനുർ മൊകേരി പഞ്ചായത്തിലെ ഒരു കോഴി ഇറച്ചി കടയിൽ നിന്ന് ശേഖരിച്ച കോഴി ഇറച്ചി കയറ്റിയ ഗുഡ്‌സ് മിനിലോറിയിൽ നിന്നാണ് മദ്യം പിടികൂടിയത്. വാഹന ഡ്രൈവർ വയനാട് സ്വദേശി മേനോത്ത് ജിബിനെ (24) പാനൂർ എസ്‌ഐ മനോഹരന്റെ നേതൃത്വത്തിലുള്ള പൊലിസ് സംഘം അറസ്റ്റു ചെയ്തു.

മാലിന്യം നിറച്ച പ്‌ളാസ്റ്റിക്ക് വീപ്പകളിൽ ഒളിപ്പിച്ചു വെച്ച നിലയിലായിരുന്നു ഒരു ലിറ്ററിന്റെ 12 കുപ്പി മാഹി മദ്യം കോഴി മാലിന്യം പന്നിഫാമിലേക്ക് കൊണ്ടു പോകുന്നുവെന്ന വ്യാജേനെ വൻതോതിൽ മാഹി മദ്യം കടത്തുന്നതായി നേരത്തെ പരാതിയുണ്ടായിരുന്നു. കോഴി മാലിന്യം നിറച്ച വാഹനങ്ങൾ പൊതുവെ പൊലിസ് പരിശോധിക്കാറില്ല പിന്നീട് ലക്ഷ്യസ്ഥാനത്ത് എത്തിയ ശേഷം കോഴി മാലിന്യം ഇവർ ഉപേക്ഷിക്കാറ് പതിവെന്ന് പൊലീസ്് പറഞ്ഞു.