കണ്ണൂർ: പോക്കറ്റടി കേസിൽ പൊലീസ് പിടികിട്ടാപ്പുള്ളിയായി പ്രഖ്യാപിച്ചയാൾ പിടിയിൽ. പത്ത് വർഷമായി ഒളിവിൽ കഴിയുകയായിരുന്ന മഞ്ചേരി സ്വദേശി ഹംസയെയാണ് കണ്ണൂർ ടൗൺ സി ഐ ശ്രീജിത്തുകൊടേരിയും സംഘവും മഞ്ചേരിയിലെത്തി ഇന്നലെ അറസ്റ്റ് ചെയ്തത്. മഞ്ചേരിയിൽ തന്നെ ഇയാൾ ഒളിവിൽ കഴിയുകയായിരുന്നു. സ്ഥിരമായി കണ്ണൂർ, കോഴിക്കോട് ഭാഗങ്ങളിൽ ഇയാൾ പോക്കറ്റടി നടത്തിയതിന്റെ അടിസ്ഥാനത്തിലാണ് പൊലീസ് ഇയാളെ പിടികിട്ടാപ്പുള്ളിയായി പ്രഖ്യാപിക്കുകയായിരുന്നു. പ്രതിയെ അറസ്റ്റ് ചെയ്ത സംഘത്തിൽ എസ്‌പി. ഹാരിഷ്, ബാബു പ്രസാദ് എന്നിവരും ഉണ്ടായിരുന്നു.