പ്രായപൂർത്തിയാകാത്ത സ്‌കൂൾ വിദ്യാർത്ഥിനിയെ ലൈംഗികമായി ഉപദ്രവിച്ചു; വ്യാപാരി പിടിയിൽ

കോതമംഗലം: പ്രായപൂർത്തിയാകാത്ത സ്‌കൂൾ വിദ്യാർത്ഥിനിയെ ലൈംഗികമായി ഉപദ്രവിച്ച കേസിൽ വ്യാപാരി പിടിയിൽ. കടവൂർ ചാത്തമറ്റം പുതിയേടത്ത് വീട്ടിൽ ബോബിച്ചൻ മത്തായി (42) യെയാണ് പോത്താനിക്കാട് പൊലീസ് അറസ്റ്റ് ചെയ്തത്. ഇയാളുടെ കടയുടെ സമീപം ബസ്സ് കാത്തു നിന്ന പെൺകുട്ടിയെ ആണ് ഇയാൾ ലൈംഗികമായി ഉപദ്രവിച്ചത്.

പോത്താനിക്കാട് പൊലീസ് ഇൻസ്‌പെക്ടർ നോബിൾ മാനുവൽ, സബ്ഇൻസ്‌പെക്ടർ കുര്യാക്കോസ്, എഎസ്ഐ ഷാൻവി അഗസ്റ്റിൻ, സീനിയർ സിവിൽ പൊലീസ് ഓഫീസർമാരായ അജീഷ് കുട്ടപ്പൻ, റഷീദ് എന്നിവർ ചേർന്നാണ് പ്രതിയെ അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.