പിതാവിനെ വാക്കത്തികൊണ്ട് വെട്ടിക്കൊലപ്പെടുത്താൻ ശ്രമം: മകൻ അറസ്റ്റിൽ

കോതമംഗലം: പിതാവിനെ വാക്കത്തികൊണ്ട് വെട്ടിക്കൊലപ്പെടുത്താൻ ശ്രമിച്ച കേസ്സിൽ മകൻ അറസ്റ്റിൽ. കോട്ടപ്പടി അയിരൂർ ഉപ്പുകണ്ടം ഭാഗത്ത് പറപ്പാട്ടുകുടി വീട്ടിൽ സിജു (41) വിനെയാണ് കോട്ടപ്പടി പൊലീസ് അറസ്റ്റ് ചെയ്തത്. വീട്ടിലെ ഹാളിലിരുന്ന് ഭക്ഷണം കഴിച്ചു കൊണ്ടിരുന്ന പിതാവായ ഗോപാലനെ വാക്കത്തികൊണ്ട് കഴുത്തിന് വെട്ടുകയായിരുന്നു കഴുത്തിന് പരിക്കേറ്റ ഗോപാലൻ ചികിത്സയിലാണ്.

മദ്യപിച്ച് വീട്ടിൽ സ്ഥിരം പ്രശ്‌നമുണ്ടാക്കുന്നയാളാണ് സിജു. കോട്ടപ്പടി ഇൻസ്‌പെക്ടർ എം.ശ്രീകുമാർ, സബ്ബ് ഇൻസ്‌പെക്ടർ കെ.കെ അനിൽ, എഎസ്ഐ ഷിബു മാത്യു എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്. കോടതിയിൽ ഹാജരാക്കി റിമാന്റ് ചെയ്തു.