ആലുവ: സോഷ്യൽ മീഡിയയിലൂടെ സ്പർദ്ദ വളർത്തി കലാപത്തിനാഹ്വാനം ചെയ്തതായി ആരോപിച്ച് ഒരാളെ അറസ്റ്റ് ചെയ്തു. മരുതൂർ കരിമ്പുള്ളി ചപ്പങ്ങാത്തൊടി അബ്ദുൽ റഊഫ് (31) നെയാണ് റൂറൽ സൈബർ പൊലീസ് സ്റ്റേഷനിലെ പ്രത്യേക അന്വേഷണ സംഘം അറസ്റ്റ് ചെയ്തത്.

സൈബർ പൊലീസ് സ്റ്റേഷൻ, എടത്തല, ചോറ്റാനിക്കര , അങ്കമാലി എന്നിവിടങ്ങളിൽ ഇയാൾക്കെതിരെ കേസ് രജിസ്റ്റർ ചെയ്തിരുന്നു. പട്ടാമ്പിയിൽ നിന്നുമാണ് അറസ്റ്റ് ചെയ്തത്. ഇൻസ്‌പെക്ടർ എം.ബി.ലത്തീഫ്, എസ്‌ഐ എം.ജെ.ഷാജി, സി.പി.ഒമാരായ പി.എ.റഫീക്ക്, വികാസ് മണി, ജെറി കുര്യാക്കോസ് എന്നിവരാണ് അന്വേഷണ സംഘത്തിലുള്ളത്.