പ്രായപൂർത്തിയാകാത്ത പെൺകുട്ടിയെ ലൈംഗികമായി പീഡിപ്പിച്ചു; യുവാവ് അറസ്റ്റിൽ

ആലുവ: പ്രായപൂർത്തിയാകാത്ത പെൺകുട്ടിയെ ലൈംഗികമായി പീഡിപ്പിച്ചയാൾ അറസ്റ്റിൽ. വെളിയത്തുനാട് പുക്കാട്ടു വീട്ടിൽ ഷെഫീക്ക് (32) നെയാണ് ആലുവ പൊലീസ് അറസ്റ്റ് ചെയ്തത്. ചികിത്സയുടെ ഭാഗമായി പെൺകുട്ടി ഇയാളുടെ വീട്ടിൽ ഒരു മാസമായി താമസിച്ചിരുന്നു. ഈ സമയത്തായാണ് പീഡനം നടന്നത്. ഓട്ടോ ഡ്രൈവറായ ഇയാൾ കുടുംബത്തോടൊപ്പമാണ് വീട്ടിൽ താമസിക്കുന്നത്.

പെൺകുട്ടിയുടെ അമ്മയുടെ പരാതിയിലാണ് കേസെടുത്തത്. എസ്.എച്ച്.ഒ എൽ.അനിൽകുമാർ, എസ്‌ഐമാരായ എം.എസ്.ഷെറി, കെ.ആർ.മുരളീധരൻ, എസ്.സി.പി.ഒ മാരായ ഷൈജ ജോർജ്, കെ.കെ.ഹിൽമത്ത് തുടങ്ങിയവരാണ് അന്വേഷണ സംഘത്തിലുണ്ടായിരുന്നത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.