വീട്ടമ്മയെ വഴിയിൽ വച്ച് ആക്രമിച്ച കേസിൽ യുവാവ് അറസ്റ്റിൽ; വാരിയെല്ലിന് പരിക്കേറ്റ വീട്ടമ്മ ചികിത്സയിൽ

പെരുമ്പാവൂർ: വീട്ടമ്മയെ വഴിയിൽ വച്ച് ആക്രമിച്ച കേസിൽ യുവാവ് അറസ്റ്റിൽ. വെസ്റ്റ് വെങ്ങോല പാലായിക്കുന്ന് കാരിക്കൽ വീട്ടിൽ ജിഷ്ണു (23) നെയാണ് പെരുമ്പാവൂർ പൊലീസ് അറസ്റ്റ് ചെയ്തത്. 14 ന് വൈകിട്ട് അഞ്ചരയോടെ പാലായിക്കുന്ന് ഭാഗത്ത് വച്ചായിരുന്നു സംഭവം. മുൻ വൈരാഗ്യമാണ് കാരണം. വാരിയെല്ലിന് പരിക്കേറ്റ വീട്ടമ്മ ചികിത്സയിലാണ്. ഇയാൾക്കെതിരെ പുത്തൻകുരിശ് പൊലീസ് സ്റ്റേഷനിൽ ബൈക്ക് മോഷണത്തിന് കേസുണ്ട്.

ഇൻസ്‌പെക്ടർ ആർ.രഞ്ജിത് , എസ്‌ഐമാരായ റിൻസ്. എം.തോമസ്, ജോസി എം. ജോൺസൻ, ഒ.എസ്.രാധാകൃഷ്ണൻ, ഏ.എസ്‌ഐ വിനിൽകുമാർ , എസ്.സി.പി.ഒ പി.എ അബ്ദുൾ മനാഫ്, സി.പി.ഒമാരായഎം.ബി സുബൈർ, ജീമോൻ കെ. പിള്ള തുടങ്ങിയവരാണ് അന്വേഷണ സംഘത്തിലുള്ളത്.