കൊച്ചി: നടൻ ജോജു ജോർജിന് പിന്തുണയുമായി സംവിധായകൻ ആഷിഖ് അബു രംഗത്ത്. ജോജു അഭിനയിക്കുന്ന സിനിമയുടെ സെറ്റിലേക്ക് യൂത്ത് കോൺഗ്രസ് പ്രതിഷേധം സംഘടിപ്പിച്ചതിന്റെ സാഹചര്യത്തിലാണ് ആഷിഖ് അബു തന്റെ പിന്തുണ അറിയിച്ചത്.

ട്വിറ്ററിലൂടെയായിരുന്നു ആഷിഖ് പിന്തുണ അറിയിച്ചത്. ജോജുവിന്റെ ചിത്രത്തോടൊപ്പം 'യൂത്ത് കോൺഗ്രസ് ആക്രമിക്കുന്ന ജോജുവിനൊപ്പം', എന്നായിരുന്നു ആഷിഖ് അബു ട്വിറ്ററിൽ കുറിച്ചത്.

അതേസമയം, ജോജു ജോർജിനെതിരെ കൂടുതൽ പ്രതിഷേധ പരിപാടികൾ ആസൂത്രണം ചെയ്ത് മൂന്നോട്ടുനീങ്ങുകയാണ് യൂത്ത് കോൺഗ്രസ്. എറണാകുളം ഡിസിസി മുതൽ ജോജു നായകനായി അഭിനയിച്ച സ്റ്റാർ സിനിമ പ്രദർശിപ്പിച്ച ഷേണായിസ് തീയറ്റർ വരെ പ്രവർത്തകർ മാർച്ച് നടത്തി.ജോജുവിന്റെ ചിത്രം പതിപ്പിച്ച റീത്തുമായാണ് പ്രവർത്തകർ വീണ്ടും ഗതാഗതം തടസപ്പെടുത്തുന്ന രീതിയിൽ മാർച്ച് നടത്തിയത്. ജോജു മാപ്പ് പറയണമെന്നും ജോജുവിനെ രാഷ്ട്രീയപരമായും നിയമപരമായും നേരിടുമെന്നും നേതൃത്വം അറിയിച്ചു.

സംസ്ഥാനത്ത് വഴി തടഞ്ഞുള്ള ഷൂട്ടിങ് അനുവദിക്കില്ലെന്നും യൂത്ത് കോൺഗ്രസ് മുന്നറിയിപ്പ് നൽകി. വരുന്ന ദിവസങ്ങളിലും ജോജുവിനെതിരെ ശക്തമായ പ്രതിഷേധ പരിപാടികൾ ആസുത്രണം ചെയ്യാനാണ് യൂത്ത് കോൺഗ്രസ് തീരുമാനം.

യൂത്ത് കോൺഗ്രസ്

മറുനാടന്‍ മലയാളി

    മറുനാടന്‍ മലയാളി ബ്യൂറോ