ഇന്ത്യൻ അമേരിക്കൻ മലയാളി ചേംബർ ഓഫ് കൊമേഴ്‌സും, ഏഷ്യൻ ഇന്ത്യൻ ചേംബർ ഓഫ് കൊമേഴ്‌സും സംയുക്തമായി നെറ്റ് വർക്ക് നൈറ്റ് സംഘടിപ്പിക്കുന്നു
ന്യൂയോർക്ക്: വിജയകരമായ മെമ്പർഷിപ്പ് ഡ്രൈവിനുശേഷം അമേരിക്കൻ മലയാളി ചേംബർ ഓഫ് കൊമേഴ്‌സ് സംഘടനയിലെ അംഗങ്ങൾക്ക് നെറ്റ് വർക്കിൽകൂടി വളരുവാനും ആശയവിനിമയം നടത്തുവാനുമുള്ള അവസരം ഒരുക്കുന്നു. ചേംബറിന്റെ ചരിത്രത്തിലാദ്യമായി ന്യൂയോർക്കിനു പുറത്ത് നെറ്റ് വർക്കിംഗിന്റെ സാധ്യതകൾ ഒരുക്കുന്നതിനു പ്രസിഡന്റ് മാധവൻ ബി. നായരുടെ ശ്രമഫലമായി അ
ന്യൂയോർക്ക്: വിജയകരമായ മെമ്പർഷിപ്പ് ഡ്രൈവിനുശേഷം അമേരിക്കൻ മലയാളി ചേംബർ ഓഫ് കൊമേഴ്‌സ് സംഘടനയിലെ അംഗങ്ങൾക്ക് നെറ്റ് വർക്കിൽകൂടി വളരുവാനും ആശയവിനിമയം നടത്തുവാനുമുള്ള അവസരം ഒരുക്കുന്നു. ചേംബറിന്റെ ചരിത്രത്തിലാദ്യമായി ന്യൂയോർക്കിനു പുറത്ത് നെറ്റ് വർക്കിംഗിന്റെ സാധ്യതകൾ ഒരുക്കുന്നതിനു പ്രസിഡന്റ് മാധവൻ ബി. നായരുടെ ശ്രമഫലമായി അവസരം ഒരുങ്ങി.
ഇരുപത്തഞ്ച് വർഷങ്ങളിൽപ്പരം പ്രവർത്തനപാരമ്പര്യമുള്ള ഏഷ്യൻ ഇന്ത്യൻ ചേംബർ ഓഫ് കൊമേഴ്‌സുമായി ചേർന്ന് ഇന്ത്യൻ അമേരിക്കൻ മലയാളി ചേംബർ ഓഫ് കൊമേഴ്‌സ് 22-ന് ബുധനാഴ്ച വൈകുന്നേരം 6.30 മുതൽ നോർത്ത് ബ്രോൺസ്‌വിക് ക്ലാരിയോൺ ഇന്നിൽ വച്ച് നെറ്റ് വർക്ക് നൈറ്റ് സംഘടിപ്പിക്കുന്നു.
ബിസിനസിന്റെ വിവിധ മേഖലകളിലുള്ളവർ പരസ്പരം കാണുവാനും, അനുഭവങ്ങൾ പങ്കുവെയ്ക്കുവാനും അവസരമൊരുക്കുന്ന ഇത്തരം നെറ്റ് വർക്കിംഗിൽകൂടി, സ്വന്തം ബിസിനസിന്റെ വ്യാപ്തിയും, അനന്തസാധ്യതകളും മനസിലാക്കുവാനും, അതിൽ വിജയംവരിച്ച സംരംഭകരുടെ അനുഭവങ്ങൾ പങ്കുവെയ്ക്കുവാനും കഴിയുന്നത് വളർച്ചയുടെ പടവുകൾ കയറാൻ ഏതൊരു സംരംഭകരനേയും സഹായിക്കുമെന്നു പറഞ്ഞ മാധവൻ നായർ ഈ അവസരം പരമാവധി പ്രയോജനപ്പെടുത്താൻ അംഗങ്ങളോട് അഭ്യർത്ഥിച്ചു. ഇത്തരം സംയുക്ത സംരംഭങ്ങൾ സംഘടനാപരമായും സാമൂഹികമായും ഒറ്റക്കെട്ടായി മുന്നേറുവാനും, ബിസിനസ് വെല്ലുവിളികളെ അനായാസം നേരിടാനും അംഗങ്ങളെ സഹായിക്കുമെന്നും, ഈ അവസരം പരമാവധി പ്രയോജനപ്പെടുത്താൻ മലയാളി സംരംഭകരോട് മെമ്പർഷിപ്പ് ഡ്രൈവിന് ചുക്കാൻ പിടിച്ച റോയി എണ്ണശേരിയും, ജോൺ അക്ഷാലയും ഒരു സംയുക്ത പ്രസ്താവനയിൽ അഭ്യർത്ഥിച്ചു.
