അത്‌ലറ്റിക്കോ മാഡ്രിഡ് പരിശീലകന് കോവിഡ് ബാധ; ഡിയഗോ സിമിയോണിക്ക് രോ​ഗലക്ഷണങ്ങളൊന്നും ഉണ്ടായിരുന്നില്ലെന്നും വീട്ടിൽ ഐസൊലേഷനിലാണെന്നും ക്ലബ്ബ്

മാഡ്രിഡ്: അത്‌ലറ്റിക്കോ മാഡ്രിഡ് പരിശീലകൻ ഡിയഗോ സിമിയോണിക്ക് കോവിഡ് സ്ഥിരീകരിച്ചു. അദ്ദേഹത്തിന് ലക്ഷണങ്ങൾ ഒന്നും തന്നെ ഉണ്ടായിരുന്നില്ലെന്നും രോഗം സ്ഥിരീകരിച്ചതോടെ അദ്ദേഹം വീട്ടിൽ ഐസൊലേഷനിലാണെന്നും ക്ലബ്ബ് അറിയിച്ചു. വെള്ളിയാഴ്ച അത്‌ലറ്റിക്കോ മാഡ്രിഡ് ടീമിന്റെ പ്രീ സീസൺ പരിശീലന ക്യാമ്പിന്റെ ഭാഗമായി ടീമിലെ എല്ലാവർക്കും കോവിഡ് പരിശോധന നടത്തിയിരുന്നു. ഇതിന്റെ ഫലം വന്നപ്പോഴാണ് സിമിയോണി കോവിഡ് പോസിറ്റീവാണെന്ന് വ്യക്തമായത്. ശനിയാഴ്ച ആരംഭിച്ച ലാ ലിഗയുടെ പുതിയ സീസണിൽ സെപ്റ്റംബർ 27-ന് ഗ്രാനഡയ്‌ക്കെതിരെയാണ് അത്‌ലറ്റിക്കോ മാഡ്രിഡിന്റെ ആദ്യ മത്സരം.