എടിഎം വഴി പണം എടുക്കുമ്പോൾ ഉപഭോക്താക്കൾ നല്കിയിരുന്ന ഫീസ് ഇനി നല്‌കേണ്ട. രാജ്യത്തെ , കോമൺ വെൽത്ത്, എഎൻഎസ്, വെസ്റ്റ്പാക്, എൻഎബി എന്നിങ്ങനെയുള്ള പ്രമുഖ ബാങ്കുകളാണ് ഫീസ് നിർത്തലാക്കാൻ തീരുമാനിച്ചത്.കോമൺവെൽത്ത് ബാങ്കാണ് ആണ് ഇത് സംബന്ധിച്ച തീരുമാനം ഞായറാഴ്ച രാവിലെ ആദ്യം പ്രഖ്യാപിച്ചത്. ഇതിനു പിന്നാലെ മറ്റ് ബാങ്കുകളും ഇക്കാര്യം അറിയിക്കുകയായിരുന്നു.

ഇതര ബാങ്കുകളുടെ എ ടി എം ഉപയോഗിക്കുമ്പോൾ രണ്ടു ഡോളറോ രണ്ടര ഡോളറോ ആണ് ഫീസ് ഈടാക്കിയിരുന്നത്. ഇതുവഴി 500 മില്യൺ ഡോളർ ആണ് കഴിഞ്ഞ സാമ്പത്തിക വർഷം ഓസ്ട്രേലിയയിലെ ബാങ്കുകൾക്ക് ലഭിച്ചിരുന്നത്.

എന്നാൽ വിദേശ ബാങ്കുകളുടെ കാർഡുകൾ ഉപയോഗിക്കുന്നവരിൽ നിന്നും ഫീസ് തുടർന്നും ഈടാക്കും.