സേവന വേതന വ്യവസ്ഥകൾക്കെതിരെ പണമുടക്കുമായി ഓക് ലന്റിലെ ബസ് ഡ്രൈവർമാർ രംഗത്തിറങ്ങിയതോടെ യാത്രക്കാർ ദുരിതത്തിൽ. ഇന്ന് മുതൽ 27 വരെയുള്ള ദിവസങ്ങൾക്കിടിയിൽ എട്ട് ദിവസങ്ങളിലാണ് ഡ്രൈവർമാർ സമരത്തിനിറങ്ങുന്നത്. മികച്ച ശമ്പളവും ജോലി സാഹചര്യങ്ങൾ മെച്ചപ്പെടുത്തണമെന്നും ആവശ്യപ്പെട്ടാണ് സമരം.

ബസുകളുടെ സർവ്വീസ് റദ്ദാക്കിയത് ട്രെയിൻ സർവ്വീസുകളെയും കാര്യമായി ബാധിച്ചിട്ടുണ്ട്. മിക്ക ട്രെയിനുകളും താമസിച്ചാണ് സർവ്വീസ് നടത്തുന്നത്.കഴിഞ്ഞ മാർച്ചിലെ സമരത്തിന് പിന്നാലെയാണ് വീണ്ടും സമരവുമായി ഡ്രൈവർമാർ ഇറങ്ങിയിരിക്കുന്നത്.