2019ൽ ഫ്രഞ്ച് ഓപ്പൺ; 2021 ൽ വിംബിൾഡൾ; ആഷ്ലി ബാർട്ടിക്ക് മൂന്നാം ഗ്രാൻസ്ലാം കിരീടം ഒരു ജയം അകലെ; ഓസ്ട്രേലിയൻ ഓപ്പൺ ഫൈനലിൽ എതിരാളി ഡാനിയേല കോളിൻസ്; ചരിത്ര നേട്ടം പ്രതീക്ഷിച്ച് ആരാധകർ
മെൽബൺ: ലോക ഒന്നാം നമ്പർ താരം ആഷ്ലി ബാർട്ടി ഓസ്ട്രേലിയൻ ഓപ്പൺ വനിതാ സിംഗിൾസ് ഫൈനലിൽ. കലാശപ്പോരാട്ടത്തിൽ അമേരിക്കയുടെ ഡാനിയേല കോളിൻസുമായി ബാർട്ടി ഏറ്റുമുട്ടും.
വെറും ഒരു മണിക്കൂറും രണ്ട് മിനിറ്റും മാത്രം നീണ്ട മത്സരത്തിൽ യുഎസ്എയുടെ മാഡിസൺ കീസിനെ നേരിട്ടുള്ള സെറ്റുകൾക്ക് തകർത്താണ് ബാർട്ടി തന്റെ ആദ്യ ഓസ്ട്രേലിയൻ ഓപ്പൺ ഫൈനലിൽ കടന്നത്. സ്കോർ: 6-1, 6-3.
2019ലെ ഫ്രഞ്ച് ഓപ്പണും 2021-ലെ വിംബിൾഡണും നേടിയ ബാർട്ടിയെ കാത്തിരിക്കുന്നത് കന്നി ഓസ്ട്രേലിയൻ ഓപ്പൺ കിരീടമാണ്. കിരീടം നേടാനായാൽ 1978-ൽ കിരീടം നേടിയ ക്രിസ്റ്റീൻ ഒ നെയ്ലിന് ശേഷം ഓസ്ട്രേലിയൻ ഓപ്പൺ കിരീടം നേടുന്ന ആദ്യ ഓസീസ് വനിതാ താരമെന്ന നേട്ടവും ബാർട്ടിക്ക് സ്വന്തമാകും.
Ash Barty becomes the 1st Australian woman to advance to the #AusOpen final since Wendy Turnbull in 1980.
- WTA Insider (@WTA_insider) January 27, 2022
Lost 10 points on serve vs. Madison Keys, 61 63,
The World No.1 has not lost a set en route, dropping just 21 games across six matches. Has been broken once. pic.twitter.com/Zn8r1UIz7v
41 വർഷങ്ങൾക്ക് ശേഷമാണ് ഒരു ഓസ്ട്രേലിയൻ വനിതാ താരം ഓസ്ട്രേലിയൻ ഓപ്പണിന്റെ ഫൈനലിൽ കടക്കുന്നത്. 1980-ൽ വെൻഡി ടൺബുള്ളാണ് ബാർട്ടിക്ക് മുമ്പ് അവസാനമായി ഓസ്ട്രേലിയൻ ഓപ്പൺ ഫൈനൽ കളിച്ച ഓസീസ് താരം.
രണ്ടാം സെമിയിൽ അമേരിക്കയുടെ ഡാനിയേല കോളിൻസ് ഏഴാം സീഡ് പോളണ്ടിന്റെ ഇഗാ സ്വറ്റക്കിനെ പരാജയപ്പെടുത്തി. നേരിട്ടുള്ള സെറ്റുകൾക്ക് ഇഗയെ വീഴ്ത്തിയാണ് ഡാനിയേല ഫൈനൽ ബർത്ത് ഉറപ്പിച്ചത്. സ്കോർ 6 - 4, 6 - 1.
