കൊച്ചി: രാജ്യത്തെ ഏറ്റവും വലിയ മൂന്നാമത്തെ ബാങ്കായ ആക്സിസ് ബാങ്ക് പരമ്പരാഗത മാർഗ്ഗങ്ങളിൽ നിന്നും വിഭിന്നമായ പുതിയ ഒരു തൊഴിൽ പ്രവർത്തന മാതൃക അവതരിപ്പിച്ചു. ജിഗ്-എ ഓപ്പർച്യൂണിറ്റീസ് എന്ന പേരിലാണ് പുതിയ പ്ലാറ്റ്ഫോം പുറത്തിറക്കിയിരിക്കുന്നത്. പ്രവർത്തനമേഖലയിൽ ഉയർച്ച ഉറപ്പുനൽകുന്ന ഈ പ്ലാറ്റ്ഫോം പ്രഗൽഭരായ ആളുകൾക്ക് തൊഴിലവസരം വാഗ്ദാനം ചെയ്യുന്നു.

കോവിഡ് മൂലം കഴിഞ്ഞ ഏതാനും മാസങ്ങളായി തൊഴിൽ മേഖലയിൽ അതിദ്രുതമായ പരിവർത്തനങ്ങളാണ് ഉണ്ടായിക്കൊണ്ടിരിക്കുന്നത്. ആക്സിസ് ബാങ്കിന്റെ വൈവിധ്യമാർന്ന നൈപുണ്യ ആവശ്യകതകളെ നിറവേറ്റുന്ന ഒരു സംയോജിത വർക്ക് മോഡലും സംവിധാനവും ആണ് 'ജിഗ്-എ ഓപ്പർച്യുനിറ്റീസ്'. ഡിജിറ്റൽ ബാങ്കിങ്, ടെക്നോളജി, റിസ്‌ക് മോഡലിങ്, വെർച്വൽ സെയിൽസ്, ഓഡിറ്റ്, ക്രെഡിറ്റ് പോളിസി എന്നീ മേഖലകളിൽ ഇതിന് വലിയ സാധ്യതകളുണ്ട്.

'ഒരു മികച്ച പ്ലാറ്റ്ഫോമാണ് ജിഗ്-എ ഓപ്പർച്യൂണിറ്റീസ്. ഭാവിയിലെ പ്രവർത്തനത്തിന്റെ ദിശ നിർണയിക്കുന്ന ഒന്നാണിത്. ഇതിന് ആക്സിസ് ബാങ്ക് നേതൃത്വം നൽകുന്നത് വളരെയധികം സ്വാഗതാർഹമാണ്' എന്നും ആക്സിസ് ബാങ്ക് ഫൗണ്ടേഷൻ ചെയർമാൻ എസ്.രാമോദരൈ പറഞ്ഞു.

രാജ്യത്തെ എവിടെയിരുന്നും ഈ പ്ലാറ്റ്ഫോമിലൂടെ നൈപുണ്യം ഉള്ള ആളുകൾക്ക് എളുപ്പത്തിൽ ജോലി നിർവഹിക്കാൻ സാധിക്കും. കഴിവ് ഉള്ള ആളുകൾക്ക് അവസരങ്ങൾ നഷ്ടപ്പെടാതിരിക്കാൻ ഈ പുതിയ സംവിധാനം സഹായകരമാകും. ചെറിയ നഗരങ്ങളും പട്ടണങ്ങളും ഉൾപ്പെടെ രാജ്യത്തുടനീളം വ്യാപിച്ചുകിടക്കുന്ന കഴിവുള്ള ഉദ്യോഗാർത്ഥികളുമായി ബന്ധപ്പെടുന്നതിന് ജിഗ്-എ അവസരമൊരുക്കുന്നു. പ്രതിഭകളായ ആളുകൾക്ക് തൊഴിലുകൾ ലഭിക്കാതിരിക്കാൻ ഉള്ള സാഹചര്യം ഇല്ലാതാക്കുകയും, ഏതു പ്രദേശത്തുള്ള ഒരാൾക്കും അവിടെ നിന്നുകൊണ്ട് തന്നെ ജോലി ചെയ്ത് അഭിവൃദ്ധി നേടാം എന്നും ജിഗ്-എ ഉറപ്പു വരുത്തുന്നു. കുടുംബസ്ഥകളായ സ്ത്രീകൾ, ഭിന്നശേഷിക്കാർ എന്നിവരെല്ലാം നൈപുണ്യമുള്ളവരുടെ കൂട്ടത്തിൽ എത്തുന്നതോടെ അവർ കൂടി പരിഗണിക്കപ്പെടുന്നു

ആക്സിസ് ബാങ്ക്