സിനിമയിൽ മാത്രമല്ല ഇന്റർനെറ്റ് തിരച്ചിൽ സംവിധാനമായ ഗൂഗിളിലും ബാഹുബലി തംരഗം വീശിയെന്ന് റിപ്പോർട്ട്. ഈ വർഷം ഇന്ത്യക്കാർ ഗൂഗിളിൽ ഏറ്റവും കൂടുതൽ തിരഞ്ഞ സിനിമകളുടെ ലിസ്റ്റിലാണ് ബാഹുബലി 2 ഇടംപിടിച്ചത്. ഗുഗിൾ തന്നെ പുറത്തുവിട്ട ഒരു വർഷത്തെ റിപ്പോർട്ടിലാണ് ഇത് വ്യക്തമായത്.

എല്ലാ വർഷവും ഗൂഗിൾ 'ഇയർ ഇൻ സേർച്ച്' എന്ന റിപ്പോർട്ട് പുറത്തിറക്കാറുണ്ട്. ഈ റിപ്പോർട്ടിൽ ബാഹുബലി കൂടാതെ ആമിർ ഖാൻ ചിത്രം ദംഗൽ, ശ്രദ്ധ കപൂർ-അർജുൻ കപൂർ ചിത്രം ഹാഫ് ഗേൾ ഫ്രണ്ട്, ആലിയ ഭട്ട്-വരുൺ ധവാൻ ചിത്രം ബദ്രിനാഥ് കി ദുൽഹനിയ, ടൈഗർ ഷറോഫ് ചിത്രം മുന്ന മിച്ചേൽ, രൺബിർ ചിത്രം ജഗ്ഗാ ജസൂസ് ഷാരൂഖ് ചിത്രം റഈസ് എന്നിവ യും ഇടംപിടിച്ചു.