കോവിഡ് മഹാമാരിയെ തു‌ടർന്ന് വർക്ക് ഫ്രം ഹോം ആരംഭിച്ചത് മുതൽ പലവിധ അബദ്ധങ്ങളുടെയും ആകസ്മിക ഇടപെടലുകളുടെയും സംഭവങ്ങൾ സൈബർ ലോകത്ത് ചിരി പടർത്തിയിരുന്നു. ഇപ്പോഴിതാ വീണ്ടും അത്തരം ഒരു വീഡിയോ ആണ് സോഷ്യൽ മീഡിയയിൽ വ്യാപകമായി പ്രചരിക്കുന്നത്. എബിസി 7 ന്റെ ലെസ്ലി ലോപ്പസിന്റെ പത്ത് മാസം പ്രായമുള്ള കുഞ്ഞാണ് ഇത്തവണത്തെ താരം. ലെസ്ലി ലോപ്പസ് കാലാവസ്ഥ റിപ്പോർട്ട് ചെയ്യുന്നതിനിടെ ആയിരുന്നു കുഞ്ഞന്റെ കട‌ന്നുവരവ്.

കാലാവസ്ഥാ റിപ്പോർട്ട് ചെയ്യുകയായിരുന്നു എബിസി 7 ന്റെ ലെസ്ലി ലോപ്പസ്. റിപ്പോട്ടിങ് പുരോഗമിക്കുന്നതിനിടെയാണ് ലെസ്ലിയുടെ പത്ത് മാസം പ്രായമായ മകൻ നോലൻ ഫ്രെയിമിലെത്തിയത്. കുഞ്ഞ് പതിയെ എത്തി ലെസ്ലിയുടെ കാലിൽ ചുറ്റിപ്പിടിച്ച് നിൽപ്പായി. ഇത് കണ്ട് ചിരി അടക്കാനായില്ലെങ്കിലും അവർ കുനിഞ്ഞ് മകനെ കയ്യിലെടുത്ത് ചിരിയോടെ റിപ്പോട്ടിങ് തുടന്നു. ഏതായാലും ഈ പകർച്ചവ്യാധിക്കാലത്ത് ലോകമെമ്പാടുമുള്ള കാഴ്ചകാരിൽ ചിരിപടർത്താൽ കുഞ്ഞു നോലനും അമ്മയ്ക്കുമായി. ‘എനിക്ക് എല്ലാ നിയന്ത്രണവും നഷ്ടപ്പെട്ടു വീണ്ടും കാണാം' എന്നു പറഞ്ഞ് റിപ്പോർട്ടിങ് അവസാനിപ്പിക്കുകയായിരുന്നു ലെസ്ലി .

എബിസി 7 ന്റെ ന്യൂസ് ആങ്കർ ബ്രാന്റി ഹിറ്റ് ആണ് ഈ വിഡിയോ ട്വിറ്ററിൽ പങ്കിട്ടത്. വിഡിയോ വളരെ വേഗമാണ് ശ്രദ്ദേയമായത്, ലക്ഷക്കണക്കിന് ലൈക്കുകളും റീട്വീറ്റുകളുമായി നിരവധി കാഴ്‌ച്ചക്കാരുമായി ഈ ചിരി വിഡിയോ സോഷ്യൽ ലോകത്ത് വൈറലാണ്.

 

ലെസ്ലി ലോപ്പസ് 

മറുനാടന്‍ മലയാളി

    മറുനാടന്‍ മലയാളി ബ്യൂറോ