മനാമ: ലോകാരോഗ്യ സംഘടന സ്തനാർബുദ ബോധവത്കരണ മാസമായിട്ട് ഒക്ടോബർ മാസം ആചരിക്കുന്നതിന്റ ഭാഗമായി ഐവൈസി ഇന്റർനാഷണൽ ബഹ്റൈൻ കൗൺസിൽ ഷിഫ അൽ ജസീറ ഹോസ്പിറ്റലിന്റെ സഹകരണത്തോടെ ബോധവത്കരണ ക്ലാസ്സും സൗജന്യ മെഡിക്കൽ ക്യാമ്പും സംഘടിപ്പിച്ചു.മനാമ ഷിഫാ അൽ ജസീറ ഹോസ്പിറ്റലിൽ നടന്ന ക്യാമ്പിൽ 200 ഓളം വിവിധ രാജ്യക്കാരായ പ്രവാസികൾ ഭാഗമായി. പൂർണ്ണമായും സൗജന്യമായിട്ടാണ് ക്യാമ്പ് സംഘടിപ്പിച്ചത്.

ടെസ്റ്റുകൾ നടത്തിയ ആളുകൾക്ക് ഒക്ടോബർ 30 വരെ ഷിഫാ അൽജസീറയിൽ സൗജന്യമായി വിദഗ്ധ ഡോക്ടർമാർ പരിശോധിച്ചതിന് ശേഷം ചികിത്സ ആവശ്യമെങ്കിൽ തുടർന്നു നൽകുന്നതാണ്, കൺസൾട്ടേഷൻ സൗജന്യമായും തുടർ ടെസ്റ്റുകൾ സ്ത്രീകൾക്ക് 50% കിഴിവിലും തുടരും.

സ്തനാർബുദ ബോധവത്കരണ സെമിനാറിൽ അൻപതോളം സ്ത്രീകൾ പങ്കെടുത്തു.സെമിനാർ ബഹ്റൈൻ പാർലമെന്റ് അംഗം ഡോ.മസൂമ എച്ച് എ റഹിം ഉത്ഘാടനം ചെയ്തു.ഐവൈസി ബഹ്റൈൻ കൗൺസിലംഗം സൽമാനുൽ ഫാരിസ് അധ്യക്ഷത വഹിച്ച പരിപാടിയിൽ ഐവൈസി ഏഷ്യ & ഗൾഫ് കോഡിനേറ്റർ ഫ്രഡി ജോർജ്,ബഹ്റൈനിലെ സാമൂഹിക പ്രവർത്തകരായ ഹുസ്‌നിയ അലി കരീമി, ഡോ.ഷെമിലി പി ജോൺ ,ഒഐസിസി നേതാക്കളായ രാജു കല്ലുമ്പുറം,ബിനു കുന്നന്താനം,മിനി മാത്യു ഐവൈസിസി ഭാരവാഹികളായ മണിക്കുട്ടൻ,പ്രമീജ് .ഷിഫ അൽജസീറ പ്രതിനിധീകരിച്ച് ഡോ.ഡോ. ഷംനാദ് മജീദ് കുഞ്ഞ്,ഷർലിഷ് ലാൽ ,എന്നിവരും പങ്കെടുത്തു. ഡോ.ഷൈനി സുശീലൻ സ്തനാർബുദ സെമിനാറിന് നേതൃത്വം നൽകി

ഐവൈസി കൗൺസിൽ അംഗങ്ങളായ അനസ് റഹിം,റംഷാദ് അയിലക്കാട്,നിസാർ കുന്നംകുളത്തിങ്ങൽ ,ബേസിൽ നെല്ലിമറ്റം എന്നിവർ പരിപാടികൾക്ക് നേതൃത്വം നൽകി.

 

ഐവൈസി ഇന്റർനാഷണൽ ബഹ്റൈൻ