ബഹ്റൈൻ കേരളീയ സമാജം - ഡി ബുക്‌സ് സംയുക്തമായി നടത്തുന്ന അന്താരാഷ്ട്ര പുസ്തകോത്സവത്തിന് തുടക്കമായി.നവംബർ 1 0 ന് ഇന്ത്യൻ എംബസി സെക്കന്റ് സെക്രട്ടറി രവികുമാർ ജെയിൻ പുസ്തകമേള ഉദ്ഘാടനം ചെയ്തു.പുസ്തകങ്ങൾ മനുഷ്യരുടെ സുഹൃത്തുക്കളും വഴികാട്ടികളുമാണെന്ന് അദ്ദേഹം പറഞ്ഞു.
വീശിഷ്ടാതിഥിയായ കവി അൻവർ അലി ബഹ്റൈനിലെ മലയാളികളുടെ പ്രവാസത്തിന്റെ പ്രത്യേകതകൾ പരാമർശിച്ചു.ഡി സി ബുക്‌സ് സി ഇ ഓ രവി ഡി സി ചടങ്ങിൽ പ്രഭാഷണം നടത്തി.ബഹ്റൈൻ കേരളീയ സമാജത്തിലെ പുസ്തകോത്സവം ഓരോ വർഷവും കൂടുതൽ മോദിയോടെ നടന്നുവരികയാണെന്ന് എടുത്തുപറഞ്ഞു.
പുസ്തകമേളകൾ സാംസ്‌കാരിക ഉത്സവങ്ങൾ കൂടിയാണെന്ന് സമാജം പ്രസിഡന്റ് പി വി രാധാകൃഷ്ണപിള്ള അഭിപ്രായപെട്ടു. ചടങ്ങിൽ വർഗീസ് കാരക്കൽ സ്വാഗതം പറഞ്ഞു.
ബഹ്റൈൻ ട്രിബ്യൂൺ സി ഇ ഓ പി. ഉണ്ണികൃഷ്ണൻ ആദ്യത്തെ ബി കെ എസ് -ഡി സി ബുക്‌സ് പുസ്തകോത്സവത്തെ ക്കുറിച്ചുള്ള ഓർമ്മകൾ പങ്കുവെച്ചു.സാഹിത്യ വിഭാഗം സെക്രട്ടറി ഫിറോസ് തിരുവത്രയും ബുക്‌ഫെസ്റ്റ് കൺവീനർ ഷബിനി വാസുദേവും ചടങ്ങിൽ പങ്കെടുത്തു.
