തിരുവനന്തപുരം: കവി കുരീപ്പുഴ ശ്രീകുമാറിനെതിരായ ആക്രമണത്തിൽ പ്രതിഷേധിച്ച് എഴുത്തുകാരൻ ബെന്യാമിൻ. സ്വന്തം വാക്കുകളും പ്രവർത്തികളും സമൂഹം തിരിച്ചറിയുന്നു എന്ന ഭയം നിങ്ങളെ ഭ്രാന്തരാക്കിയെന്ന് അദ്ദേഹം കുറിച്ചു.

ബെന്യാമിന്റെ ഫേസ്‌ബുക്ക് പോസ്റ്റ്

നിസ്സഹായകനായ നിർമമനായ ഒരു പാവം കവിയെ നിങ്ങൾ ഭയപ്പെടുന്നു എങ്കിൽ നിങ്ങൾ സമൂഹത്തിലെ ഏറ്റവും ദുർബലനെപ്പോലും ഭയപ്പെട്ടു തുടങ്ങിയിരിക്കുന്നു എന്നാണർത്ഥം. സ്വന്തം വാക്കുകളും ചെയ്തികളും സമൂഹം തിരിച്ചറിയുന്നു എന്നതിന്റെ ഭയം. ആ ഭയം നിങ്ങളെ ഭ്രാന്തിൽ എത്തിച്ചിരിക്കുന്നു. സമൂഹത്തെ ഇല്ലായ്മ ചെയ്യാൻ ആഗ്രഹിക്കുന്ന ഭ്രാന്തിൽ.

കൊല്ലത്തെ പ്രസംഗത്തിൽ കുരീപ്പുഴ ശ്രീകുമാർ പ്രകോപനപരമായി സംസാരിച്ചു എന്നാരോപിച്ചാണ് ഒരു വിഭാഗം ആർഎസ്എസ് പ്രവർത്തകർ അദ്ദേഹത്തെ തടഞ്ഞുനിർത്തിയത്. ഇതിനെതിരായ പ്രതിഷേധം സമൂഹമാധ്യമങ്ങളിൽ ശക്തമായി.