കൊച്ചി: കേരള കാത്തലിക് എഞ്ചിനിയറിങ് കോളജ് മാനേജ്മെന്റ്സ് അസോസിയേഷൻ സമ്മേളനം ഏപ്രിൽ 15 തിങ്കളാഴ്ച കൊച്ചി, കാക്കനാട് രാജഗിരി സ്‌കൂൾ ഓഫ് എഞ്ചിനിയറിങ് ആൻഡ് ടെക്നോളജിയിൽ രാവിലെ 10.30 ന് ആരംഭിക്കും. അസോസിയേഷൻ പ്രസിഡന്റ് റവ.ഡോ.മാത്യു പായിക്കാട്ട് അദ്ധ്യക്ഷത വഹിക്കും. സെക്രട്ടറി റവ.ഡോ.ജോസ് കുറിയേടത്ത് സി.എം.ഐ. മുഖ്യപ്രഭാഷണവും എ്ക്സിക്യൂട്ടീവ് സെക്രട്ടറി ഷെവലിയർ അഡ്വ.വി സി.സെബാസ്റ്റ്യൻ വിഷയാവതരണവും നടത്തും. വൈസ്പ്രസിഡന്റ് ഫാ.ജോൺ വർഗീസ്, ജോയിന്റ് സെക്രട്ടറി ഫാ. ആന്റണി അറയ്ക്കൽ, ട്രഷറർ ഫാ.റോയി വടക്കൻ, മോൺസിഞ്ഞോർ തോമസ് കാക്കശ്ശേരി, റവ.ഡോ.ജോസ് കണ്ണമ്പുഴ, ഫാ.ജെയിംസ് ചെല്ലങ്കോട്ട്, ഫാ.മാത്യു കോരംകുഴ, ഫാ.പോൾ പറത്താഴ, ഫാ.ജോൺ പാലിയക്കര സിഎംഐ, ഫാ.ആന്റോ ചുങ്കത്ത്, ഫാ.എ.ആർ.ജോൺ, ഫാ.ബിജോയ് അറയ്ക്കൽ, ഫാ.ജസ്റ്റിൻ ആലങ്കൽ സിഎംഐ, ഫാ.ബെഞ്ചമിൻ പള്ളിയാടിയിൽ എന്നിവർ പ്രസംഗിക്കും.

സാങ്കേതിക വിദ്യാഭ്യാസമേഖലയിലെ ദേശീയ ആഗോളതല മാറ്റങ്ങൾ സമ്മേളനം വിലയിരുത്തും. അസോസിയേഷന്റെ ആഭിമുഖ്യത്തിൽ നടത്താനുദ്ദേശിക്കുന്ന വിവിധങ്ങളായ വിദ്യാഭ്യാസപദ്ധതികൾ, കേന്ദ്ര സംസ്ഥാന തലങ്ങളിൽ സാങ്കേതിക വിദ്യാഭ്യാസ മേഖല നേരിടുന്ന വിവിധ പ്രശ്നങ്ങൾ എന്നിവ സംബന്ധിച്ച് സമ്മേളനം ചർച്ചചെയ്യുമെന്ന് സെക്രട്ടറി റവ.ഡോ.ജോസ് കുറിയേടത്ത് അറിയിച്ചു.