കോഴിക്കോട്: കോഴിക്കോട് സൈബർപാർക്കിലെ ഐടി കമ്പനികൾക്കായി നടത്തുന്ന സഹ്യാ പ്രീമിയർ ലീഗ് ഫുട്‌ബോൾ മത്സരങ്ങൾക്ക് തുടക്കമായി. സൈബർപാർക്ക് സ്പോർട്സ് അരീനയിൽ നടക്കുന്ന മത്സരങ്ങൾ സൈബർപാർക്ക് സിഇഒ സുശാന്ത് കുറുന്തിൽ ഉദ്ഘാടനം ചെയ്തു.

സൈബർപാർക്ക് ജനറൽ മാനേജർ വിവേക് നായർ കാഫിറ്റ് പ്രസിഡന്റ് അബ്ദുൾ ഗഫൂർ കെ വി തുടങ്ങിയവർ പങ്കെടുത്തു. വെൽകിൻവിറ്റ്‌സ് ടെക്‌നോളജീസും ഡോക്ടേഴ്‌സ് സ്മാർട്ടും തമ്മിലായിരുന്നു ആദ്യ മത്സരം.

സൈബർപാർക്കിലെ ഐടി കമ്പനികളിൽ നിന്നുള്ള 23 ടീമുകളാണ് സഹ്യാ പ്രീമിയർ ലീഗിൽ പങ്കെടുക്കുന്നത്. കോഴിക്കോട് സൈബർപാർക്ക്, കാലിക്കറ്റ് ഫോറം ഫോർ ഐടി (കാഫിറ്റ്), തുടങ്ങിയവരുടെ സഹകരണത്തോടെയാണ് പരിപാടി സംഘടിപ്പിക്കുന്നത് സഹ്യ പ്രീമിയർ ലീഗിന്റെ ഫൈനൽ മെയ് 14ന് നടക്കും