കൊച്ചി: ജൈവവൈവിധ്യത്തെ കുറിച്ചുള്ള ബോധവൽകരണത്തിന്റെ ഭാഗമായി കേന്ദ്ര സമുദ്രമത്സ്യ ഗവേഷണ സ്ഥാപനം (സിഎംഎഫ്ആർഐ) വിദ്യാർത്ഥികൾക്ക് ചിത്രരചന മത്സരം സംഘടിപ്പിക്കുന്നു. അന്താരാഷ്ട്ര ജൈവവൈവിധ്യ ദിനമായ മെയ് 22ന് രാവിലെ 10ന് സിഎംഎഫ്ആർഐയിൽ വച്ചാണ് മത്സരം. ആറ് വയസ്സ് വരെ സബ്ജൂനിയർ, ആറ് മുതൽ 12 വരെ ജൂനിയർ, 12 മുതൽ 18 വയസ്സ് വരെ സീനിയർ എന്നീ മൂന്ന വിഭാഗങ്ങളിലായാണ് മത്സരം.

പങ്കെടുക്കാൻ ആഗ്രഹിക്കുന്ന വിദ്യാർത്ഥികൾ cmfrimbemd@gmail.com എന്ന വിലാസത്തിൽ ഇപ്പോൾ അപേക്ഷിക്കാം. ഫോൺ- 9497189941. സിഎംഎഫ്ആർഐയിൽ നടക്കുന്ന അന്താരാഷ്ട്ര ജൈവവൈവിധ്യദിനാചരണ പരിപാടിയിൽ ദേശീയ ജൈവവൈവിധ്യ ബോർഡ് മുൻ ചെയർപേഴ്സൺ ഡോ ബി മീനാകുമാരി മുഖ്യാതിഥിയാകും.