തിരുവനന്തപുരം: സർവീസിൽ നിന്നും വിരമിച്ച കേരള ഭാഷാ ഇൻസ്റ്റിറ്റ്യൂട്ട് അസിസ്റ്റന്റ് ഡയറക്ടർ ഡോ.ഷിബു ശ്രീധർ, സീനിയർ റിസർച്ച് ഓഫീസറും വിജ്ഞാനകൈരളി എഡിറ്ററുമായ ജി.ബി. ഹരീന്ദ്രനാഥ് എന്നിവർക്ക് ജീവനക്കാർ യാത്രയയപ്പ് നൽകി. എൻ.വി. ഹാളിൽ ചേർന്ന യോഗത്തിൽ ഡയറക്ടർ ഡോ. എം. സത്യൻ ജീവനക്കാരുടെ സ്‌നേഹോപഹാരം ഇരുവർക്കും നൽകി. സ്റ്റാഫ് ക്ലബിന്റെ ഉപഹാരം സെക്രട്ടറി അമ്പിളി ടി.കെയും നൽകി.

പബ്ലിക്കേഷൻ വിഭാഗം അസി. ഡയറക്ടർ ഇൻചാർജ് സുജ ചന്ദ്ര, അഡ്‌മിനിസ്‌ട്രേറ്റീവ് ഓഫീസർ എസ്‌പി. മനു, എഫ്. എ. സാജുമോൻ എസ്, സീനിയർ റിസർച്ച് ഓഫീസർ ഡോ. റ്റി. ഗംഗ, കാഷ്യർ വി. യു. മഞ്ജുഷ, പി. ആർ. ഒ റാഫി പൂക്കോം എന്നിവർ സംസാരിച്ചു. തുടർന്ന് ഡോ. എം. സത്യൻ, സാജുമോൻ എസ്, വി. യു. മഞ്ജുഷ, എം. ആർ. മീര, ഗോപകുമാർ എസ്, എ. ലെനിൻ, എ. ആർ. ഷമീർ, എന്നിവർ ചേർന്ന് ഗാനവിരുന്നൊരുക്കി. റിസർച്ച് ഓഫീസർ ശ്രീകല ചിങ്ങോലി കാവ്യാലാപനം നടത്തി.