തളിപ്പറമ്പ്: ആശ്രിതരില്ലാതെ തെരുവുകളിലും മറ്റും കഴിയുന്ന വയോജനങ്ങളെ ഏറ്റെടുത്ത് സംരക്ഷിച്ചുപോരുന്ന പഴയങ്ങാടി എയ്ഞ്ചൽസ് വാലിയിലേക്ക് മർകസ് ആർ സി എഫ് ഐ വാക്കറുകൾ വിതരണം ചെയ്തു. പരസഹായമില്ലാതെ നടക്കാൻ പ്രയാസമനുഭവിക്കുന്ന ഇവിടുത്തെ അന്തേവാസികൾക്ക് ഏറെ ഉപകാരപ്രദമായ ഉപകരണം എന്ന നിലയിലാണ് വാക്കറുകൾ നൽകിയത്.

വർഷങ്ങളായി ആരോഗ്യ ഉപകരണങ്ങളും ചികിത്സാ സഹായങ്ങളും നൽകി വരുന്ന ആർ സി എഫ് ഐയുടെ ക്ഷേമകാര്യ പദ്ധതിയുടെ ഭാഗമായാണ് വിതരണം നടന്നത്. ഭവന നിർമ്മാണം, ശുദ്ധജല പദ്ധതി, തൊഴിൽ ഉപകരണ വിതരണം, അനാഥ സംരക്ഷണം, വിദ്യാഭ്യാസ സഹായം ഉൾപ്പെടെ വിവിധ സാമൂഹ്യ ക്ഷേമ പ്രവർത്തനങ്ങളാണ് ആർ സി എഫ് ഐ നടത്തിവരുന്നത്. ചടങ്ങിൽ ആർ സി എഫ് ഐ സി.ഒ.ഒ സ്വാദിഖ് നൂറാനി, മർസൂഖ് നൂറാനി, ശിഫാഫ്, മിദ്‌ലാജ് അമാനി സംബന്ധിച്ചു