ലോക സാന്ത്വന പരിചരണ ദിനാചരണത്തോടനുബന്ധിച്ചു രാജേശ്വരി ഫൗണ്ടേഷൻ പെയിൻ & പാലിയേറ്റീവ് കെയറിന്റെ ആഭിമുഖ്യത്തിൽ പാലിയേറ്റീവ് റൺ സംഘടിപ്പിക്കുകയാണ്. ഡോക്ടർമാർ, ആരോഗ്യ പ്രവർത്തകർ, കായിക പ്രേമികൾ, വോളന്റീർമാർ, രോഗികൾ, രോഗികളുടെ കുടുംബാംഗങ്ങൾ, സാമൂഹ്യ പ്രവർത്തകർ തുടങ്ങിവർ പാലിയേറ്റീവ് റണ്ണിൽ പങ്കെടുക്കുന്നു. പാളയം രക്തസാക്ഷി മണ്ഡപത്തിൽ നിന്നും വൈകുന്നേരം 3:30 ന് ആരംഭിക്കും.
ഡെപ്യൂട്ടി കമ്മിഷണർ ഡോ. എ നസിം ഫ്‌ളാഗ് ഓഫ് ചെയ്തു ഉത്ഘാടനം ചെയ്യും. പാളയം, സ്റ്റാറ്റച്ചു സെക്രട്ടേറിയറ്റ് വഴി നാഷണൽ ക്ലബ്ബിൽ സമാപിക്കും. അവിടെ നടക്കുന്ന സമാപന സമ്മേളനത്തിന്റെ ഉത്ഘാടനം ശ്രീ.വി കെ പ്രശാന്ത് എം എൽ എ നിർവഹിക്കും. സൂര്യ കൃഷ്ണാമൂർത്തി മുഖ്യതിഥി ആയിരിക്കും. ഐ എം എ പ്രസിഡന്റ് ഡോ സി വി പ്രശാന്ത് മുഖ്യപ്രഭാഷണം നടത്തും. തുടന്ന് ഓളം മ്യൂസിക് ബ്രാൻഡിന്റെ നാടൻപാട്ട് സന്ധ്യയും ഉണ്ടായിരിക്കുന്നതാണ്.
കഴിഞ്ഞ മൂന്നു വർഷമായി ലോക സാന്ത്വന പരിചരണ ദിനാചരണത്തോടനുബന്ധിച്ചു രാജേശ്വരി ഫൗണ്ടേഷൻ പെയിൻ & പാലിയേറ്റീവ് കെയറിന്റെ ആഭിമുഖ്യത്തിൽ പാലിയേറ്റീവ് റൺ സംഘടിപ്പിക്കുകയാണ്. ഈ ജീവകാരുണ്യ പ്രവർത്തനത്തിൽ പങ്കെടുക്കാം, കൈകോർക്കാം പങ്കാളികളാകാം.
