ഫോർട്ട് വർത്ത് (ഡാളസ്) : അമേരിക്കൻ എയർലൈൻസ് യാത്രക്കാരിൽ നിന്നും നിയമവിരുദ്ധമായി വാങ്ങിയ അധിക ബാഗേജ് ഫീസ് തിരിച്ചു നൽകുന്നതിനായി 75 മില്യൺ നല്കണമെന്നു ധാരണയായി

ഡാളസ് ഫോർട്ട് വർത്ത് ആസ്ഥാനമായി പ്രവർത്തിക്കുന്ന അമേരിക്കൻ എയർലൈന് എതിരെ 2021ൽ അഞ്ച് യാത്രക്കാർ ചേർന്ന് നൽകിയ ഫെഡറൽ ലോ സ്യുട്ടിലാണ് നഷ്ടപരിഹാരം നൽകുന്നതിനുള്ള ഒത്തുതീർപ്പുണ്ടായത്.

സൗജന്യമായി ബാഗേജുകൾ ചെക്കിങ് ചെയ്യാമെന്ന ധാരണയിൽ അമേരിക്കൻ എയർലൈനിൽ നിന്നും ഓൺലൈൻ വഴി ടിക്കറ്റ് എടുത്തവരാണ് നിർബന്ധമായും കൗണ്ടറിനു മുന്നിലെത്തുമ്പോൾ ബാഗേജ് ഫീസ് നൽകേണ്ടി വന്നത്. 2013 മുതൽ ഇങ്ങനെ ഫീസ് നൽകേണ്ടി വന്നവർക്ക് തിരിച്ചു നൽകണമെന്നാണ് കോടതി ഉത്തരവ്.

25 ഡോളർ ആണ് ആഭ്യന്തര - കാനഡ വിമാനങ്ങളിലെ ബാഗേജ് ഫീസ് ആയി ഇവർ വാങ്ങിയിരുന്നത് രണ്ടാമത്തെ ബാഗിന് 35 ഡോളറും ചാർജ് ചെയ്തിരുന്നു. ഇത് നിയമവിരുദ്ധമാണെന്നും ഫീസ് തിരിച്ചു നൽകണമെന്നും പരാതിക്കാർ ആവശ്യപ്പെട്ടുവെങ്കിലും എയർലൈൻ ഇവരുടെ ആവശ്യം നിരാകരിക്കുകയായിരുന്നു .

ഇങ്ങനെ അധിക വാങ്ങിയവരിൽ അമേരിക്കൻ ഡൽറ്റ , സൗത്ത് വെസ്റ്റ്, യു.എസ് എയർലൈൻ 1.8 ബില്യൺ ഡോളറാണ് ഉണ്ടാക്കിയത് കഴിഞ്ഞ വർഷം. ആഗോളതലത്തിൽ പ്രധാന 20 എയർലൈനുകൾ കഴിഞ്ഞവർഷം 21 മില്യൺ ഡോളറും സമ്പാദിച്ചു.

2013 മുതൽ 2021 വരെ യാത്ര ചെയ്തവരിൽ നിന്നും ഈടാക്കിയ ഫീസ് തിരിച്ചു ലഭിക്കുന്നതിന് ബാഗേജ് ഫീസ് ഉൾപ്പെടെ ബുക്ക് ചെയ്ത് ടിക്കറ്റുകളുടെ ഇമെയിൽ കോപ്പി ഹാജരാക്കേണ്ടതാണ്.

 

ബാഗേജ് ഫീസ്