കൊച്ചി, 2022 നവംബർ 14: ഇന്ത്യയിൽ പ്രമേഹം വളർന്നുകൊണ്ടിരിക്കുന്ന ഒരു വെല്ലുവിളിയായി മാറിയിരിക്കുന്നു. ആഗോളതലത്തിൽ ഏറ്റവും ഉയർന്ന രണ്ടാമത്തെ രോഗവ്യാപനം ഇന്ത്യയിലാണ് സംഭവിക്കുന്നത്. പ്രമേഹത്തെക്കുറിച്ചും പതിവായുള്ള പരിശോധനയുടെയും പ്രാധാന്യത്തെക്കുറിച്ചും സമൂഹത്തിൽ അവബോധം സൃഷ്ടിക്കുക എന്ന ലക്ഷ്യത്തോടെ ഇന്ത്യൻ മെഡിക്കൽ അസോസിയേഷൻ (ഐഎംഎ) ഓഫ് കൊച്ചിനുമായി സഹകരിച്ച് ഇന്ത്യയിലെ ഏറ്റവും മികച്ച നാല് പാത്തോളജി ലബോറട്ടറി ശൃംഖലകളിലൊന്നായ ന്യൂബെർഗ് ഡയഗ്നോസ്റ്റിക്സ് നവംബർ 14 ന് കൊച്ചിയിൽ വാക്കത്തോൺ സംഘടിപ്പിച്ചു.
ഐഎംഎ കൊച്ചി പ്രസിഡന്റ് ഡോ. എസ്. ശ്രീനിവാസ കാമത്ത് വാക്കത്തോൺ ഫ്ളാഗ് ഓഫ് ചെയ്തു. ഐഎംഎ ഹൗസിൽ നിന്ന് ആരംഭിച്ച് കലൂർ സ്റ്റേഡിയം വഴി ഐഎംഎ ഹൗസിൽ തിരികെയെത്തിയ വാക്കത്തോണിൽ ഐഎംഎ അംഗങ്ങൾ, ഡോക്ടർമാർ, സാധാരണകാരായ ജനങ്ങൾ എന്നിവർ ഉൾപ്പെടെ 100ലധികം ആളുകൾ പങ്കെടുത്തു. പ്ലക്കാർഡുകളിലൂടെയും ഹോർഡിംഗുകളിലൂടെയും സാംക്രമികേതര രോഗങ്ങളെക്കുറിച്ച് ബോധവൽക്കരണം നടത്തിയാണ് വാക്കത്തോൺ മുന്നേറിയത്. പരിപാടിയോടനുബന്ധിച്ച് സംഘടിപ്പിച്ച സൗജന്യബ്ലഡ് ഷുഗർ പരിശോധന നിരവധിയാളുകൾ പ്രയോജനപ്പെടുത്തി.
'ഇന്നത്തെ ലോകത്ത്, കുടുംബങ്ങളിലും ചെറുപ്പക്കാരിലും പോലും പ്രമേഹം ആശങ്കയുണർത്തുന്ന സുപ്രധാന പ്രശ്നമാണ്. പ്രമേഹ രോഗികളുടെ എണ്ണം വർദ്ധിക്കുന്നതിനാൽ, പതിവായി നേരത്തെയുമുള്ള സ്‌ക്രീനിങ്ങുകളിലൂടെ രോഗപ്രതിരോധത്തിനായുള്ള ശ്രമങ്ങൾ വർദ്ധിപ്പിക്കണം. ഈ വർഷത്തെ ലോക പ്രമേഹ ദിനത്തിന്റെ ആഗോള വിഷയം 'നാളയെ സംരക്ഷിക്കാനുള്ള വിദ്യാഭ്യാസം' എന്നതാണ്. ഇതുപോലുള്ള ബോധവൽക്കരണ സംരംഭങ്ങൾ ഇത്തരം വിദ്യാഭ്യാസത്തിന് സഹായിക്കുമെന്നതിൽ ഞാൻ അഭിമാനിക്കുന്നു,'' പരിപാടിയെക്കുറിച്ച് സംസാരിച്ച ഐഎംഎ കൊച്ചിൻ പ്രസിഡന്റ് ഡോ. എസ്. ശ്രീനിവാസ കാമത്ത് പറഞ്ഞു.
''പ്രമേഹം നമ്മൾ നേരിടുന്ന വലിയ വെല്ലുവിളിയാണ്. ന്യൂബെർഗിൽ ഞങ്ങൾ പതിവായി പ്രമേഹരോഗനിർണയം നടത്തുന്നു. ഇതുപോലുള്ള ബഹുജന ബോധവൽക്കരണ സംരംഭങ്ങൾ നേരത്തെയുള്ള രോഗനിർണയത്തിൽ ഏറെ മുന്നോട്ട് പോകുമെന്ന് ഞങ്ങൾ ഉറച്ചു വിശ്വസിക്കുന്നു. സർക്കാർ നേതൃത്വത്തിൽ നിന്നും ഡോക്ടർമാരിൽ നിന്നും പൊതുജനങ്ങളിൽ നിന്നുമുള്ള ഇത്തരം പങ്കാളിത്തം കാണുന്നതിൽ ഞങ്ങൾക്ക് സന്തോഷമുണ്ട്,'' ന്യൂബെർഗ് ഡയഗ്നോസ്റ്റിക്‌സിന്റെ ഗ്രൂപ്പ് സിഒഒ ഐശ്വര്യ വാസുദേവൻ പറഞ്ഞു.
