പാലാ: ചെറിയാൻ ജെ കാപ്പൻ സ്മാരക മുനിസിപ്പൽ സ്റ്റേഡിയത്തിൽ നടക്കുന്ന കേരളാ ഫുട്‌ബോൾ അസോസിയേഷന്റെ ആഭിമുഖ്യത്തിലുള്ള 47 മത് ഓൾ കേരളാ അണ്ടർ 19 ഇന്റർ ഡിസ്ട്രിക്ട് ഫുട്‌ബോൾ ചാമ്പ്യൻഷിപ്പ് സെമി ഫൈനൽ മത്സരങ്ങൾ ഇന്ന് (16/12/2022) നടക്കും.
ഇന്നലെ നടന്ന അവസാന ലീഗ് മത്സരത്തിൽ കോഴിക്കോട് (3-1) കോട്ടയത്തെ പരാജയപ്പെടുത്തിയാണ് സെമിയിൽ പ്രവേശിച്ചത്. മറ്റൊരു മത്സരത്തിൽ തിരുവനന്തപുരവും തൃശൂരും ഓരോ ഗോൾ വീതം അടിച്ചു സമനില നേടി. മികച്ച ഗോൾ ആവറേജിന്റെ അടിസ്ഥാനത്തിൽ തൃശൂർ സെമിയിൽ കടന്നു.
ഇന്ന് (16/12/2022) ഉച്ചകഴിഞ്ഞ് 3 ന് നടക്കുന്ന ആദ്യ സെമിയിൽ മലപ്പുറം കോഴിക്കോടിനെയും 4.30 ന് നടക്കുന്ന രണ്ടാം സെമിയിൽ എറണാകുളം തൃശൂരിനെയും നേരിടും.
എ,ബി,സി,ഡി പൂളുകളിലായി കേരളത്തിലെ 14 ജില്ലകളിൽ നിന്നുള്ള ടീമുകളാണ് ചാമ്പ്യൻഷിപ്പിൽ പങ്കെടുക്കുന്നത്. ഈ ചാമ്പ്യൻഷിപ്പിൽ നിന്നുമാണ് സംസ്ഥാന ടീമിനെ തിരഞ്ഞെടുക്കുന്നത്.
പാലാ സ്‌പോർട്ട്‌സ് അക്കാദമിയും ജി വി രാജ ഫുട്‌ബോൾ അക്കാദമിയും സംയുക്തമായിട്ടാണ് ചാമ്പ്യൻ ഷിപ്പിന് ആതിഥ്യമരുളുന്നത്. ചാമ്പ്യൻഷിപ്പ് നാളെ(17/12/2022) സമാപിക്കും.
