പാലായെ അവഗണിച്ച ബഡ്ജറ്റ് പുനഃ പരിശോധിക്കണം: കേരള ഡെമോക്രാറ്റിക് പാർട്ടി

പാലാ: സംസ്ഥാന ബഡ്ജറ്റിൽ പാലാ നിയോജക മണ്ഡലത്തിലെ പ്രളയക്കെടുതിയിൽ ഒന്നര വർഷം മുമ്പ് തകർന്ന കടപുഴ പാലം പോലുള്ള അടിയന്തര പ്രാധാന്യമുള്ള ആവശ്യങ്ങൾ അവഗണിക്കുകയും പകരം സ്വകാര്യ താൽപര്യങ്ങൾ സംരക്ഷിക്കുന്ന ട്രസ്റ്റിന് രണ്ട് ബഡ്ജറ്റുകളിലായി പത്തു കോടി രൂപ അനുവദിക്കുകയും ചെയ്ത നടപടി സർക്കാർ പുനപരിശോധിക്കണമെന്ന് കേരള ഡെമോക്രാറ്റിക് പാർട്ടി ആവശ്യപ്പെട്ടു.

ഈ നടപടി പാലായിലെ മുഴുവൻ ജനങ്ങളോടുമുള്ള വെല്ലുവിളിയാണ്. പാലായിലെ ജനങ്ങൾ അഭിമുഖീകരിക്കുന്ന അടിയന്തിര പ്രാധാന്യമുള്ള ആവശ്യങ്ങൾ നേടിയെടുക്കുന്നതിനു വേണ്ടി ശക്തമായ പ്രതിഷേധ സമര പരിപാടികൾ ആവിഷ്‌കരിക്കുവാൻ യോഗം തീരുമാനിച്ചു.