വിദ്യാർത്ഥികൾക്കായി സംരംഭകത്വ ശിൽപ്പശാല സംഘടിപ്പിച്ചു

പാലക്കാട്: വിദ്യാർത്ഥികളിൽ സംരംഭകത്വ ബോധവൽക്കരണം നടത്തുന്നതിന്റെ ഭാഗമായി ടൈ കേരളയുടെ നേതൃത്വത്തിൽ ആയക്കാട് സിഎ ഹയർ സെക്കണ്ടറി സ്‌കൂളിൽ വിദ്യാർത്ഥികൾക്കായി ഏകദിന സംരംഭകത്വ ശിൽപ്പശാല സംഘടിപ്പിച്ചു. സ്‌കൂൾ മാനേജർ മെറീന പോൾ ശിൽപ്പശാല ഉദ്ഘാടനം ചെയ്തു.

ഹയർ സെക്കണ്ടറി പ്രിൻസിപ്പൾ ലളിതാംബിക ഡി. അധ്യക്ഷത വഹിച്ചു. ടീം വൺ അഡ്വെർടൈസ്സിങ് മാനേജിങ് ഡയറക്ടർ വിനോദിനി സുകുമാരൻ, ലിറ്റ്മസ് 7 എച്ച് ആർ ഹെഡ് അരവിന്ദ് വാര്യർ, സിനാപ്‌സ് ഇന്ത്യ സിഇഒ റോബർട്ട്ഷ ആന്റണി, ടൈ കേരള മാനേജർ അനൂപ് ലാൽ പി. എം എന്നിവർ ക്ലാസുകൾക്ക് നേതൃത്വം നൽകി. പിടിഎ പ്രസിഡന്റ് താജുദ്ദീൻ കെ. എ., മാനേജ്മെന്റ് പ്രതിനിധി എൽസ ജോസ് പാലാട്ടി, ഹൈസ്‌കൂൾ അദ്ധ്യാപിക മീര റ്റി. എന്നിവർ സംസാരിച്ചു.