തിരുവനന്തപുരം: മോദി സമുദായത്തെ അവഹേളിച്ചെന്ന പരാതിയിൽ കോൺഗ്രസ് നേതാവ് രാഹുൽ ഗാന്ധിക്ക് രണ്ട് വർഷം തടവുശിക്ഷ വിധിച്ച സൂറത്ത് കോടതി നടപടി വിചിത്രവും ജനാധിപത്യത്തിന്റെ അന്തസത്തയ്ക്ക് നിരക്കാത്തതുമാണെന്ന് വെൽഫെയർ പാർട്ടി സംസ്ഥാന പ്രസിഡണ്ട് റസാഖ് പാലേരി എഫ്ബി പോസ്റ്റിലൂടെ അറിയിച്ചു.

ജനാധിപത്യ സംവിധാനങ്ങൾക്കകത്തു രാഷ്ട്രീയ വിമർശനങ്ങളെ അതിന്റെ മെറിറ്റിലും സ്പിരിറ്റിലും കാണാൻ നീതിന്യായ സംവിധാനങ്ങൾക്ക് സാധിക്കാതെ വരുന്നത് ദൗർഭാഗ്യകരമാണ്. രാഷ്ട്രീയ വിമർശനങ്ങളെയും വിയോജിപ്പുകളെയും വസ്തുനിഷ്ഠമായോ സത്യസന്ധമായോ സമീപിക്കുന്നതിൽ സംഘ്പരിവാർ വീണ്ടും പരാജയപ്പെടുന്നു എന്ന് തെളിയുക്കുന്നത് കൂടിയാണ് ഈ കോടതിവിധി.

സംഘ് പകപോക്കൽ രാഷ്ട്രീയത്തിനെതിരിൽ രാഹുൽ ഗാന്ധിയോട് ഐക്യദാർഢ്യ പ്പെടുന്നുവെന്ന് അദ്ദേഹം പറഞ്ഞു.