തിരുവനന്തപുരം :ഛായാമുഖിക്കും മകരധ്വജനും ശേഷം പ്രശാന്ത് നാരായണൻ രചനയും സംവിധാനവും നിർവ്വഹിക്കുന്ന പുതിയ നാടകമായ ആകാശത്തിന്റെ പേജിന്റെ പ്രകാശനം ശങ്കർ രാമകൃഷ്ണൻ നിർവ്വഹിക്കും. കളം തീയേറ്റർ ആൻഡ് റെപ്രട്ടറിയാണ് ആകാശം പ്രൊഡ്യൂസ് ചെയ്യുന്നത്. ഓഡിഷനിലൂടെ തിരഞ്ഞെടുക്കുന്ന 15 പേരും പ്രത്യേകമായി ക്ഷണിക്കുന്ന 5 പ്രമുഖ നടീ-നടന്മാർ ചേർന്ന 20 പേർ അടങ്ങുന്ന ടീമിന് ഏപ്രിൽ ആദ്യത്തോടെ വിദഗ്ദ്ധ പരിശീലനം നൽകി ആകാശത്തിന്റെ ക്യാന്പ് തുടങ്ങും.

നളന്ദ ,കൊഴിക്കോട് ചാവറ കൾചറൽ സെന്റർ കൊച്ചിവൈലോപ്പള്ളി സംസ്‌കൃതി ഭവൻ തിരുവനന്തപുരം എന്നിവിടങ്ങളിൽ മൂന്നു മേഖലകളിലായി ആദ്യഘട്ട ഓഡീഷൻ നടക്കും . താത്പര്യമുള്ളവർക്ക് അപേക്ഷിക്കാനുള്ള അവസാന തീയതി മാർച്ച് 26 വരെ നീട്ടിയിട്ടുണ്ട്. തിരഞ്ഞെടുക്കുന്നവർക്ക് ഭക്ഷണം, താമസ സൗകര്യം, കൃത്യമായ വേതനവും ഉണ്ടായിരിക്കും. ഓഡിഷനിൽ പങ്കെടുക്കാൻ ആഗ്രഹിക്കുന്നവർ 8593033111 എന്ന നമ്പറിൽ ബന്ധപ്പെടുക.