കൊച്ചി: മെയ് ഒന്നിന് ക്ലിയോസ്പോർട്സ് സംഘടിപ്പിക്കുന്ന പ്രഥമ ഫെഡറൽ ബാങ്ക് കൊച്ചി മാരത്തണിന്റെ ഭാഗമായുള്ള എക്സ്പോ ആരംഭിച്ചു. മഹാരാജാസ് കോളേജ് ഗ്രൗണ്ടിൽ നടന്ന ചടങ്ങിൽ ഹൈബി ഈഡൻ എംപി എക്സ്പോ ഉദ്ഘാടനം ചെയ്തു. മാരത്തണിന്റെ ടൈറ്റിൽ സ്പോൺസറായ ഫെഡറൽ ബാങ്ക്, മെഡിക്കൽ പങ്കാളിയായ ആസ്റ്റർ മെഡ്സിറ്റി, സ്പോർട്ടി ഫാഷൻ പങ്കാളി ഡിബോംഗ്, ബെവറിജ് പങ്കാളി എൻജ്യൂസ് തുടങ്ങി വിവിധ സ്ഥാപനങ്ങളുടെ സ്റ്റാളുകളാണ് എക്സപോയിൽ ഉള്ളത്. കൊച്ചിയുടെ പച്ചപ്പ് കാത്തുസൂക്ഷിക്കുന്നതിന് ഫെഡറൽ ബാങ്ക് കൊച്ചി മാരത്തൺ ദിശാബോധം നൽകുമെന്ന് പ്രത്യാശിക്കുന്നതായി ഹൈബി ഈഡൻ പറഞ്ഞു.

ചടങ്ങിൽ കെഎംആർഎൽ എംഡി ലോകനാഥ് ബെഹറയ്ക്കുള്ള ബിബ് ഹൈബി ഈഡൻ എംപി കൈമാറി. ആഗോള ഭൂപടത്തിൽ കൊച്ചിയെ എത്തിക്കാൻ ഫെഡറൽ ബാങ്ക് കൊച്ചി മാരത്തണിന് കഴിയട്ടെയെന്ന് ലോകനാഥ് ബെഹറ ആശംസിച്ചു. കോസ്റ്റ് ഗാർഡ് ഡിഐജി എൻ. രവി, ഫെഡറൽ ബാങ്ക് ഡെപ്യൂട്ടി വൈസ് പ്രസിഡന്റും എറണാകുളം റീജിയണൽ ഹെഡുമായ മോഹനദാസ് ടി.എസ്, ക്ലിയോസ്പോർട്സ് ഡയറക്ടർമാരായ ശബരി നായർ, അനീഷ് കെ. പോൾ, ബൈജു പോൾ, എം.ആർ.കെ. ജയറാം, ഫെഡറൽ ബാങ്ക് കൊച്ചി മാരത്തൺ പ്രൊജക്ട് ഹെഡ് വിപിൻ നമ്പ്യാർ തുടങ്ങിയവർ ചടങ്ങിൽ പങ്കെടുത്തു

ഫെഡറൽ ബാങ്ക് കൊച്ചി മാരത്തൺ തിങ്കളാഴ്ച പുലർച്ചെ 4 മണിക്ക്

ഫെഡറൽ ബാങ്ക് കൊച്ചി മാരത്തൺ തിങ്കളാഴ്ച പുലർച്ചെ 4 മണിക്ക് മഹാരാജാസ് കോളേജ് ഗ്രൗണ്ടിൽ നിന്നും ഫ്ളാഗ് ഓഫ് ചെയ്യും. 42.195 കി.മീ മാരത്തൺ, 21.097 കി.മീ ഹാഫ് മാരത്തൺ, 10 കി.മീ, 3 കി.മീ ഗ്രീൻ റൺ എന്നീ വിഭാഗങ്ങളിലാണ് മാരത്തൺ നടക്കുക. ഹാഫ് മാരത്തൺ രാവിലെ 5 മണിക്കും, 10 കി മീ മാരത്തൺ 6 മണിക്കും, 3 കിമീ ഗ്രീൻ റൺ 7 മണിക്കും ആരംഭിക്കും. നാല് വിഭാഗങ്ങളിലുമായി 18 സംസ്ഥാനങ്ങളിൽ നിന്ന് 5000-ലേറെ പേർ രജിസ്റ്റർ ചെയ്തിട്ടുണ്ട്. മാരത്തൺ സുഗമമായി നടത്തുന്നതിന് ആവശ്യമായ എല്ലാ ഒരുക്കങ്ങളും നടത്തിയിട്ടുണ്ടെന്ന് സംഘാടകരായ ക്ലിയോസ്പോർട്സ് ഭാരവാഹികൾ അറിയിച്ചു.

മാരത്തൺ റൂട്ട്
42.195 കിലോമീറ്റർ മാരത്തൺ
മഹാരാജാസ് കോളേജ് ഗ്രൗണ്ട് -എംജി റോഡ്- തേവര ജംഗ്ഷൻ- ഓൾഡ് തേവര റോഡ്- ചർച്ച് ലാൻഡിങ് റോഡ്- ഫോർഷോർ റോഡ്- മറൈൻ ഡ്രൈവ് റോഡ്- ഗോശ്രീ ജംഗ്ഷൻ- ഐ ലവ് യു കൊച്ചി, ചാത്യാത് ജംഗ്ഷൻ-ഗോശ്രീ പാലം- വല്ലാർപാടം ജംഗ്ഷൻ- വല്ലാർപാടം കണ്ടയിനർ റോഡ്- ചേരാനല്ലൂർ ജംഗ്ഷൻ- വല്ലാർപാടം കണ്ടയിനർ റോഡ് - വല്ലാർപാടം ജംഗ്ഷൻ- ഗോശ്രീ ജംഗ്ഷൻ- മറൈൻ ഡ്രൈവ് റോഡ്- ഹോസ്പിറ്റൽ റോഡ്- എംജി റോഡ്- സമാപനം മഹാരാജാസ് കോളേജ് ഗ്രൗണ്ട്.

21.097 കിലോമീറ്റർ ഹാഫ് മാരത്തൺ
മഹാരാജാസ് കോളേജ് ഗ്രൗണ്ട് -എംജി റോഡ്- ഹോസ്പിറ്റൽ റോഡ്- ഫോർഷോർ റോഡ്- ദർബാർ ഹാൾ ജംഗ്ഷൻ-മറൈൻ ഡ്രൈവ് റോഡ്- ഗോശ്രീ ജംഗ്ഷൻ- ഐ ലവ് യു കൊച്ചി, ചാത്യാത് ജംഗ്ഷൻ-ഗോശ്രീ പാലം- വല്ലാർപാടം ജംഗ്ഷൻ- വല്ലാർപാടം കണ്ടയിനർ റോഡ്- വല്ലാർപാടം ജംഗ്ഷൻ- ഗോശ്രീ ജംഗ്ഷൻ- മറൈൻ ഡ്രൈവ് റോഡ്- പാർക് അവന്യു റോഡ്- ഹോസ്പിറ്റൽ റോഡ്- എംജി റോഡ്- സമാപനം മഹാരാജാസ് കോളേജ് ഗ്രൗണ്ട്.

10 കിലോ മീറ്റർ മാരത്തൺ
മഹാരാജാസ് കോളേജ് ഗ്രൗണ്ട് -എംജി റോഡ്- ഹോസ്പിറ്റൽ റോഡ്- ഫോർഷോർ റോഡ്- ദർബാർ ഹാൾ ജംഗ്ഷൻ-മറൈൻ ഡ്രൈവ് റോഡ്- ഗോശ്രീ ജംഗ്ഷൻ- ഐ ലവ് യു കൊച്ചി, ചാത്യാത് ജംഗ്ഷൻ- ഗോശ്രീ ജംഗ്ഷൻ- മറൈൻ ഡ്രൈവ് റോഡ്- പാർക് അവന്യു റോഡ്- ഹോസ്പിറ്റൽ റോഡ്- എംജി റോഡ്- സമാപനം മഹാരാജാസ് കോളേജ് ഗ്രൗണ്ട്.

മൂന്ന് മിലോ മീറ്റർ ഗ്രീൻ റൺ
മഹാരാജാസ് കോളേജ് ഗ്രൗണ്ട് -എംജി റോഡ്- ഹോസ്പിറ്റൽ റോഡ്- പാർക്ക് അവന്യു റോഡ്- ഫോർഷോർ റോഡ്- ഹോസ്പിറ്റൽ റോഡ്- എംജി റോഡ്- സമാപനം മഹാരാജാസ് കോളേജ് ഗ്രൗണ്ട്.