സ്റ്റോറി ടെല്ലിങ് ഇൻ ദി ഡിജിറ്റൽ ഏജ്' സെമിനാർ പരമ്പരക്ക് ഇന്ന് തുടക്കം

കഴക്കൂട്ടം: ഉന്നത വിദ്യാഭ്യാസ വകുപ്പിനു കീഴിലുള്ള നൈപുണ്യ വികസന സംരംഭമായ അസാപ് കേരളയും സെബു അനിമേഷൻ സ്റ്റുഡിയോയും ചേർന്ന് സൗജന്യമായി സംഘടിപ്പിക്കുന്ന ഡാറ്റ്സി കാരവൻ അനിമേഷൻ വർക്ക്ഷോപ്പ് പരമ്പരക്ക് വെള്ളിയാഴ്ച (മെയ് 19) കഴക്കൂട്ടം കിൻഫ്ര പാർക്കിലെ കമ്മ്യൂണിറ്റി സ്‌കിൽ പാർക്കിൽ തുടക്കമാകും. 'സ്റ്റോറി ടെല്ലിങ് ഇൻ ദി ഡിജിറ്റൽ ഏജ്' എന്ന സെമിനാർ മെയ് 20ന് അസാപ് കമ്മ്യൂണിറ്റി സ്‌കിൽ പാർക്ക് കളമശ്ശേരിയിലും, 26ന് കോഴിക്കോട് കേരള ഗവ: പോളിടെക്നിക് കോളേജിലും, 27ന് കണ്ണൂരിൽ അസാപ് കമ്മ്യൂണിറ്റി സ്‌കിൽ പാർക്ക് പാലയാട് വെച്ച് നടക്കും.

സെബു അനിമേഷൻ സ്റ്റുഡിയോ സ്ഥാപകനും ഇന്ത്യൻ അനിമേഷൻ രംഗത്തെ പ്രഗത്ഭനുമായ വിരൻ പട്ടേൽ, സിനിമാ-അദ്ധ്യാപന രംഗത്തെ പ്രമുഖനായ മൈക്കൽ ജോസഫുമാണ് ക്ലാസുകൾ നയിക്കുന്നത്. രാവിലെ ഒമ്പതിന് ശിൽപ്പശാല ആരംഭിക്കും. പങ്കെടുക്കാൻ ഓൺലൈനായി രജിസ്റ്റർ ചെയ്യണം (https://www.datsischool.com/caravan). താൽപര്യമുള്ളവർക്കെല്ലാം പങ്കെടുക്കാം.