തിരുവനന്തപുരം: വായനദിനത്തോടനുബന്ധിച്ച് കേരള ഭാഷാ ഇൻസ്റ്റിറ്റ്യൂട്ട് കോളെജ്- ഗവേഷക വിദ്യാർത്ഥികൾ, പൊതുജനങ്ങൾ എന്നിവർക്കായി വൈജ്ഞാനിക ഗ്രന്ഥങ്ങളുടെ (വിവർത്തനകൃതികളുൾപ്പെടെ) വായനാകുറിപ്പ് മത്സരം സംഘടിപ്പിക്കുന്നു. താൽപര്യമുള്ളവർ പത്തു പേജിൽ കവിയാത്ത വായനാകുറിപ്പുകൾ 2023 ജൂൺ 17നു വൈകുന്നേരം 5 മണിക്ക് മുൻപായി vayanavaram23@gmail.com എന്ന ഇമെയിൽ വിലാസത്തിൽ അയക്കേണ്ടതാണെന്ന് ഡയറക്ടർ ഡോ. എം. സത്യൻ അറിയിച്ചു.

കോളെജ് വിദ്യാർത്ഥികൾ വായനാകുറിപ്പിനൊപ്പം കോളെജ് ഐഡി കാർഡ് സ്‌കാൻ ചെയ്തു ഇമെയിൽ ചെയ്യേണ്ടതാണ്. ഒന്നും രണ്ടും മൂന്നും സ്ഥാനക്കാർക്ക് 2023 ജൂൺ 19ന് തിരുവനന്തപുരത്ത് കേരള ഭാഷാ ഇൻസ്റ്റിറ്റ്യൂട്ട് എൻ. വി. ഹാളിൽ വെച്ച് സമ്മാനം നൽകുന്നതാണ്. കൂടുതൽ വിവരങ്ങൾക്ക് ഫോൺ: 0471-2316306, 9447956162.