പൊന്നൂരുന്നി CKCHS സ്‌കൂൾ കൊച്ചി സിറ്റി പൊലീസിന്റെ സഹകരണത്തോടെ ലഹരി വിരുദ്ധ ക്യാമ്പയിൻ സംഘടിപ്പിച്ചു. സ്‌കൂൾ അംഗണത്തിൽ നടന്ന പരിപാടി കൊച്ചി സിറ്റി അസിസ്റ്റന്റ് പൊലീസ് കമ്മീഷണർ സി. ജയകുമാർ ഉദ്ഘാടനം ചെയ്തു. സമൂഹത്തിൽ നിന്ന് മയക്കു മരുന്ന് എന്ന വിപത്തിനെ ഇല്ലായ്മ ചെയ്യാൻ വിദ്യാർത്ഥികളും മുന്നോട്ട് വരണമെന്ന് അദ്ദേഹം ആവശ്യപ്പെട്ടു.

അമേരിക്കയിൽ നടക്കുന്ന Students World Impact Film Festival -2023 ൽ മികച്ച ഹ്രസ്വ ചിത്രത്തിനുള്ള നോമിനേഷൻ ലഭിച്ച *ഹച്ച്* ന്റെ സംവിധായകൻ ശ്രീഹരി രാജേഷിനെ ചടങ്ങിൽ അനുമോദിച്ചു.

പി ടി എ പ്രസിഡന്റ് AN സജീവൻ അധ്യക്ഷത വഹിച്ച ചടങ്ങിൽ കടവന്ത്ര SHO മിഥുൻ മോഹൻ സംബന്ധിച്ചു. ചിൽഡ്രൻസ് ആൻഡ് പൊലീസ് (CAP) ട്രെയിനർ ശരത്.ടി ആർ കുട്ടികൾക്കായി ബോധവൽക്കരണ ക്ലാസ്സ് നയിച്ചു. ഹെഡ് മിസ്ട്രസ്സ് ടീന എം സി സ്വാഗതവും ഗ്രീസ അഗസ്റ്റിൻ നന്ദിയും രേഖപ്പെടുത്തി.