കെ പി സി സി അധ്യക്ഷൻ കെ.സുധാകരനെതിരെ കള്ളക്കേസ്സെടുത്ത് അറസ്റ്റ് ചെയ്ത പിണറായി സർക്കാരിന്റെ നടപടിക്കെതിരെ കാഞ്ഞങ്ങാട്ട് കോൺഗ്രസ്സ് പ്രവർത്തകരുടെ കടുത്ത പ്രതിഷേധം.
കനത്ത് പെയ്ത മഴയിലും കടുത്ത പ്രതിഷേധത്തിനാണ് കാഞ്ഞങ്ങാട് നഗരം സാക്ഷ്യം വഹിച്ചത്. പുതിയ കോട്ട മാന്തോപ്പ് മൈതാനിയിൽ നിന്നാരംഭിച്ച പ്രകടനം പ്രവാസി കോൺഗ്രസ്സ് ജില്ലാ പ്രസിഡണ്ട് പത്മരാജൻഐങ്ങോത്ത് ഉദ്ഘാടനം ചെയ്തു. മൈനോറിറ്റി കോൺഗ്രസ്സ് ജില്ലാ ചെയർമാൻ സിജോ അമ്പാട്ട് കർഷക കോൺഗ്രസ്സ് ജില്ലാ വൈസ് പ്രസിഡണ്ട് അനിൽ വാഴുന്നൊറൊടി,ഐ എൻ ടിയുസി നിയോജകമണ്ഡലം പ്രസിഡന്റ് പി വി ചന്ദ്രശേഖരൻ മത്സ്യത്തൊഴിലാളി കോൺഗ്രസ്സ് ബ്ലോക്ക് പ്രസിഡണ്ട് ശരത്ത് മരക്കാപ്പ്, മണ്ഡലം യൂത്ത് കോൺഗ്രസ്സ് പ്രസിഡണ്ട് ഷിബിൻ ഉപ്പിലിക്കൈ, മണ്ഡലം കോൺഗ്രസ്സ് സെക്രട്ടറി പ്രസാദ് ഉപ്പിലിക്കെ, പ്രവാസി കോൺഗ്രസ്സ് നേതാക്കളായ രാജൻ തെക്കേക്കര, മനോജ് ഉപ്പിലിക്കൈ, രാജൻ ചെമ്മട്ടംവയൽ, നിയാസ് ഹൊസ്ദുർഗ്ഗ്, വേണു കുശാൽ നഗർ, സുകുമാരൻ കുശാൽ നഗർ, യൂത്ത് കോൺഗ്രസ്സ് നേതാക്കളായ തസ്‌റീന സി എച്ച്, വിനീത് എച്ച് ആർ, ഗോകുൽദാസ് ഉപ്പിലിക്കൈ, സനോജ്, ഷിഹാബ് കാർഗിൽ, അവിനാഷ് തോയമ്മൽ, ആദർശ് തോയമ്മൽ തുടങ്ങിയവർ സംസാരിച്ചു
