പാലാ: ഇന്ത്യൻ മെഡിക്കൽ അസോസിയേഷൻ പാലാ ബ്രാഞ്ചിന്റെ ആഭിമുഖ്യത്തിൽ ഡോക്ടേഴ്‌സ് ദിനാചരണവും ഡോക്ടേഴ്‌സ് ഡേ അവാർഡ് സമർപ്പണവും ഇന്ന് (01/07/2023) മുണ്ടാങ്കൽ ഐ എം എ ഹാളിൽ നടക്കുമെന്ന് ഐ എം എ പാലാ ബ്രാഞ്ച് പ്രസിഡന്റ് ഡോ പ്രദീപ് മാത്യു, സെക്രട്ടറി ഡോ സിജോ അലക്‌സ്, സംസ്ഥാന പി പി എസ് സെക്രട്ടറി ഡോ സിറിയക് തോമസ് എന്നിവർ പത്രസമ്മേളനത്തിൽ അറിയിച്ചു.
രാത്രി എട്ടിന് ചേരുന്ന സമ്മേളനത്തിൽ ഡോ പ്രദീപ് മാത്യു അധ്യക്ഷത വഹിക്കും. മാണി സി കാപ്പൻ എം എൽ എ ഉദ്ഘാടനം ചെയ്യും. മഹാത്മാഗാന്ധി യൂണിവേഴ്‌സിറ്റി മുൻ വൈസ് ചാൻസിലർ ഡോ ബാബു സെബാസ്റ്റ്യൻ മുഖ്യാതിഥിയായി പങ്കെടുക്കും.
ഡോ റോയി എബ്രാഹം കള്ളിവയലിൽ, ഡോ ജോസ് കോക്കാട്ട്, ഡോ സബിത അഗസ്റ്റിൻ, ഡോ സിറിയക് തോമസ്, ഡോ ശബരീനാഥ് സി ദാമോദരൻ, ഡോ പി എൻ രാഘവൻ, ഡോ അഭിലാഷ് കെ, ഡോ നിർമ്മൽ മാത്യു ജോസ്, ഡോ ദിവ്യ സാറാ എന്നിവർ പ്രസംഗിക്കും. ചടങ്ങിൽ ചാവറ പബ്‌ളിക് സ്‌കൂൾ പ്രിൻസിപ്പൽ ഫാ സാബു കൂടപ്പാട്ട്, ഡോ ജോർജ് മാത്യു പുതിയിടം എന്നിവർക്ക് ഡോക്ടേഴ്‌സ് ഡേ അവാർഡുകൾ സമ്മാനിക്കും.
പത്രസമ്മേളനത്തിൽ ഡോ പ്രദീപ് മാത്യു, ഡോ ജോസ് കോക്കാട്ട്, ഡോ സിറിയക് തോമസ് തുടങ്ങിയവർ പങ്കെടുത്തു.
ഫാ സാബു കൂടപ്പാട്ടിനും ഡോ ജോർജ് മാത്യു പുതിയിടത്തിനും ഡോക്ടേഴ്‌സ് ഡേ അവാർഡ്
പാലാ: ഡോക്ടേഴ്‌സ് ദിനാചരണത്തോടനുബന്ധിച്ച് പാലാ ഐ എം എ ഏർപ്പെടുത്തിയ ഡോക്ടേഴ്‌സ് ഡേ അവാർഡിന് പാലാ ചാവറ പബ്‌ളിക് സ്‌കൂൾ പ്രിൻസിപ്പൽ ഫാ സാബു കൂടപ്പാട്ട്, പൈക പുതിയിടം ആശുപത്രി ഡയറക്ടർ ഡോ ജോർജ് മാത്യു പുതിയിടം എന്നിവർ അർഹരായി. വിദ്യാഭ്യാസ മേഖലയ്ക്ക് നൽകി വരുന്ന സംഭാവനകളാണ് ഫാ സാബു കൂടപ്പാട്ടിനെ അവാർഡിന് അർഹനാക്കിയത്. ആരോഗ്യ മേഖലയ്ക്കു നൽകി വരുന്ന സംഭാവനകൾ പരിഗണിച്ചാണ് ഡോ ജോർജ് മാത്യുവിന് അവാർഡിന് തിരഞ്ഞെടുത്തത്. പ്രശസ്തിപത്രവും ശില്പവും പൊന്നാടയും അടങ്ങുന്ന അവാർഡ് ഇന്ന് (01/07/2023) രാത്രി എട്ടിന് മുണ്ടാങ്കൽ ഐ എം എ ഹാളിൽ ചേരുന്ന ഡോക്ടേഴ്‌സ് ദിനാചരണ സമ്മേളനത്തിൽ സമ്മാനിക്കും.
