പള്ളിക്കത്തോട്: പള്ളിക്കത്തോട് വഞ്ചിപ്പാറകുന്ന് ഭാഗത്ത് ലഹരി ഇടപാട്കളും മോഷണശ്രമവും വർധിക്കുന്നതായി പരാതി. പള്ളിക്കത്തോട് വഞ്ചിപ്പാറ റോഡ് കേന്ദ്രീകരിച്ചും തെങ്ങുംപള്ളി വഞ്ചിപ്പാറ കുന്ന് റോഡ് കേന്ദ്രീകരിച്ചുമാണ് സാമൂഹിക വിരുദ്ധരുടെ അഴിഞ്ഞാട്ടം. ഇരുട്ടിന്റെ മറവിൽ ഇരുചക്ര വാഹനങ്ങളിൽ എത്തുന്ന യുവാക്കളായ ചിലർ വീട്ടുവാതുക്കൽ നിന്ന ഗൃഹനാഥനെ പ്രകോപനം കൂടാതെ ആക്രമിച്ച സംഭവമുണ്ടായി.

അതേ സമയം പ്രദേശങ്ങളിലെ നിരവധി വീടുകളിൽ മോഷണ ശ്രമവും ഈ ദിവസങ്ങളിൽ രാത്രിസമയത്ത് നടന്നതും പ്രദേശ വാസികളെ ഭീതിയിൽ ആഴ്‌ത്തിയിട്ടുണ്ട്.അതേ സമയം ഇത്തരത്തിലുള്ള സാമൂഹിക വിരുദ്ധരെയും മോഷ്ടാക്കളെയും ശക്തമായി നേരിടാനാണ് പൊലീസ് തീരുമാനം. പ്രദേശത്ത് പൊലീസ് നിരീക്ഷണം ശക്തമാക്കിയിട്ടുണ്ട്