ഐ ടി ജീവനക്കാരുടെ ക്ഷേമ സംഘടന ആയ പ്രതിധ്വനി സംഘടിപ്പിക്കുന്ന ടെക്‌നോപാർക്കിലെ വിവിധ ഐ ടി കമ്പനികൾ തമ്മിൽ മാറ്റുരയ്ക്കുന്ന 'റാവിസ് പ്രതിധ്വനി സെവൻസ് & ഫൈവ്‌സ്' ഫുട്ബാൾ ടൂർണമെന്റുകളുടെ ഫൈനൽ മത്സരങ്ങൾ 27 വ്യാഴാഴ്ച ടെക്‌നോപാർക് ഗ്രൗണ്ടിൽ വെച്ച് നടക്കും. ഫൈനൽ മത്സരങ്ങളുടെ ഉദ്ഘാടനം കേരളത്തിന്റെ ആരോഗ്യ, വനിതാ ശിശു ക്ഷേമ വകുപ്പ് മന്ത്രി ബഹുമാനപ്പെട്ട വീണ ജോർജ് നിർവഹിക്കും. മുൻ ഇന്ത്യൻ ഫുട്‌ബോൾ ടീം നായകനായ ജോ പോൾ അഞ്ചേരി മുഖ്യാതിഥിയായി പങ്കെടുക്കും. ടെക്‌നോപാർക് സിഇഓ കേണൽ. സഞ്ജീവ് നായർ, സ്പോർട്സ് കൗൺസിൽ സെക്രട്ടറി ലീന കെ എ, മുൻ ലോക ബോക്‌സിങ് ചാമ്പ്യൻ കെ സി ലേഖ തുടങ്ങിയ വിശിഷ്ട വ്യക്തികൾ ഫൈനൽ മത്സരങ്ങൾ വീക്ഷിക്കാൻ എത്തും.
'റാവിസ് ഹോട്ടൽ ഗ്രൂപ്പി'ന്റെയും 'യൂഡി പ്രൊമോഷൻസ്' ന്റെയും സഹകരണത്തോടെ സംഘടിപ്പിക്കുന്ന ടൂർണമെന്റിൽ നൂറിലധികം ഐ ടി കമ്പനികളിൽ നിന്നുള്ള രണ്ടായിരത്തിലധികം ഐ ടി ജീവനക്കാർ പങ്കെടുത്തു. മെയ് ആദ്യ വാരം കേരള സ്പോർട്സ് കൗൺസിൽ പ്രസിഡന്റ് യു ഷറഫ്അലി ആണ് ടൂർണമെന്റ് ഉത്ഘാടനം നിർവഹിച്ചത്. രണ്ടു ഘട്ടങ്ങളിൽ ആയി 158 മത്സരങ്ങൾക്ക് ശേഷം നടക്കുന്ന പുരുഷന്മാരുടെ ഫൈനലിൽ ഇൻഫോസിസ് (Infosys) നിലവിലെ ചാമ്പ്യന്മാരായ യുഎസ്‌ടി (UST) യോട് ഏറ്റുമുട്ടും. വനിതകളുടെ ഫൈനലിൽ ടാറ്റഎലക്‌സി (Tata Elxsi) ഇൻഫോസിസിനെ (Infosys) നേരിടും.
ഇന്നലെ നടന്ന മത്സരങ്ങളിൽ പുരുഷ വിഭാഗത്തിൽ ആദ്യ സെമിയിൽ യുഎസ്‌ടി (UST) ക്വസ്റ്റ് ഗ്ലോബൽ(Quest Global) നെ എതിരില്ലാത്ത മൂന്നു ഗോളുകൾക്ക് (3 - 0 ) പരാജയപ്പെടുത്തി ഫൈനലിൽ പ്രവേശിച്ചു. രണ്ടാം സെമിയിൽ ഇൻഫോസിസ് (Infosys) ടിസിഎസ് (TCS) നെ ഒന്നിനെതിരെ രണ്ടു ഗോളുകൾക്ക് (2 - 1) പരാജയപ്പെടുത്തി ഫൈനലിലേക്ക് പ്രവേശിച്ചു. വനിതാ വിഭാഗത്തിൽ ആദ്യ സെമിയിൽ ഇൻഫോസിസ് (Infosys) എച് & ആർ ബ്ലോക്ക് നെ (H & R Block) പെനാൽറ്റി ഷൂട്ട് ഔട്ടിൽ പരാജയപ്പെടുത്തി. രണ്ടാം സെമിയിൽ ടാറ്റഎലക്‌സി (Tataelxsi) ഏകപക്ഷീയമായ ഒരു ഗോളിന് യു എസ് ടി (UST) യെ പരാജപ്പെടുത്തി.
സെവൻസ് ടൂർണമെന്റിൽ ഒന്നാം സ്ഥാനം നേടുന്ന ടീമിന് ഇരുപത്തി അയ്യായിരം രൂപയും എവർ റോളിങ് ട്രോഫിയും റാവിസ് അഷ്ടമുടിയിൽ ഒരു ദിവസത്തെ താമസവും ലഭിക്കും. അതോടൊപ്പം റാവിസ് ഹോട്ടൽസും (Raviz Hotels) യൂഡിയും(Yoode Promotions) നൽകുന്ന നിരവധി സമ്മാനങ്ങളും ഉണ്ടാകും. ഫൈവ്‌സ് ടൂർണമെന്റ് ജേതാക്കൾക്ക് പതിനായിരം രൂപയും ട്രോഫിയും റാവിസ് അഷ്ടമുടിയിൽ ഒരു ദിവസത്തെ താമസവും ലഭിക്കും. ടൂർണമെന്റിലെ മികച്ച കളിക്കാർക്കും, ഏറ്റവും കൂടുതൽ ഗോൾ നേടുന്ന കളിക്കാർക്കും, മികച്ച ഗോൾകീപ്പർമാർക്കും പ്രത്യേകം പുരസ്‌കാരങ്ങൾ ലഭിക്കും. ഓരോ കളികൾക്കു ശേഷവും ഏറ്റവും മികച്ച കായികതാരത്തിനു പ്ലയർ ഓഫ് ദി മാച്ച് ട്രോഫിയും 'യൂഡി' നൽകുന്ന പ്രത്യേകം സമ്മാനങ്ങളും ഉണ്ടായിരുന്നു. മത്സരങ്ങൾ കാണാൻ എത്തുന്നവർക്കും നിരവധി മത്സരങ്ങളും സമ്മാനങ്ങളും പ്രതിധ്വനിയും റാവിസും ചേർന്നൊരുക്കിയിട്ടുണ്ട്.
ഇൻഫോസിസ് (Infosys) ,യു എസ് ടി (UST), ടിസിഎസ് (TCS) , അലയൻസ്(Allianz) , ഐബിഎസ് (IBS) , ക്വസ്റ്റ് ഗ്ലോബൽ (Quest Global) , ടാറ്റഎലക്‌സി (Tataelxsi), എംസ്‌ക്വയർ (MSquare), ആർ ആർ ഡോണേലി (RRDonnelly), ആർ എം ഇ എസ് ഐ(RMESI), എൻവെസ്റ്റ്‌നെറ്റ് (Envestnet), ഇ & വൈ ( E&Y) , പിറ്റ് സൊല്യൂഷൻസ് (PITS), ഗൈഡ് ഹൗസ് (GuideHouse), ഒറാക്കിൾ (Oracle), എച് & ആർ ബ്ലോക്ക് (H & R Block), ക്യുബെർസ്റ്റ് (QBurst) തുടങ്ങി പ്രമുഖ ഐ ടികമ്പനികളെല്ലാം പങ്കെടുക്കുന്ന 'റാവിസ് പ്രതിധ്വനി സെവൻസ് ഫുട്ബാൾ' ടൂർണമെന്റ് ഇന്ത്യയിൽ തന്നെ ഐ ടി മേഖലയിൽ നടത്തപ്പെടുന്ന ഏറ്റവും വലിയ ഫുട്ബാൾ ടൂർണമെന്റാണ്.
കൂടുതൽ വിവരങ്ങൾക്കായി:
ജനറൽ കൺവീനർ
സനീഷ് കെ പി - (8848995703)
ജോയിന്റ് കൺവീനർമാർ
റബീഷ് എം പി - (8129714400)
അഖിൽ കെ പി - (7293884901)
