പാലാ: മീനച്ചിൽ ഹെറിട്ടേജ് കൾച്ചറൽ സൊസൈറ്റിയുടെ പതിനാലാമത് മേളയോടെ പാലായിൽ ഓണാഘോഷങ്ങൾക്കു തുടക്കമായി. കുരിശുപള്ളി ജംഗ്ഷനിൽ ചേർന്ന സമ്മേളനത്തിൽ മാണി സി കാപ്പൻ എം എൽ എ ഓണാഘോഷങ്ങളും മുനിസിപ്പൽ ചെയർപേഴ്‌സൺ ജോസിൻ ബിനോ പായസമേളയും ഉദ്ഘാടനം ചെയ്തു. പ്രസിഡന്റ് അഡ്വ സന്തോഷ് മണർകാട് അധ്യക്ഷത വഹിച്ചു. ബെന്നി മൈലാടൂർ, സാവിയോ കാവുകാട്ട്, എബി ജെ ജോസ്, കെ അജി, ആർ മനോജ്, ജോർജ് പുളിങ്കാട്, ജോജോ കുടക്കച്ചിറ, ഷാജി പന്തപ്ലാക്കൽ, ബിജു വാതല്ലൂർ, ജോഷി വട്ടക്കുന്നേൽ, സതീഷ് മണർകാട്, സജി പുളിക്കൽ, വി എം അബ്ദുള്ളാഖാൻ, ടെൻസൺ വലിയകാപ്പിൽ, കെ പി രാജൻ, ജോണി പന്തപ്ലാക്കൽ, ജോഷി നെല്ലിക്കുന്നേൽ, ഐജു, ജോയി വട്ടക്കുന്നേൽ, അജി കുഴിയംപ്ലാവിൽ, ബാബു പുന്നത്താനം, അനൂപ് ടെൻസൺ എന്നിവർ പ്രസംഗിച്ചു.

പായസങ്ങൾക്കൊപ്പം ചിപ്പ്‌സ്, അച്ചാറുകൾ, ഓണ പലഹാരങ്ങൾ എന്നിവയും സ്റ്റാളിലുണ്ട്. വിശാലമായ സ്റ്റാളിൽ ഇരുന്ന് പായസം കുടിക്കുന്നതിന് പായസ ചെയറും ഒരുക്കിയിട്ടുണ്ട്. വിവിധ ദിവസങ്ങളിലായി നിരവധി മത്സരങ്ങളും 28ന് കുരിശുപള്ളി ജംഗ്ഷനിൽ മെഗാ പൂക്കള ഒരുക്കലും ഉണ്ടായിരിക്കും.