ചാവക്കാട് : മണത്തല ഗവണ്മെന്റ് ഹൈ സ്‌കൂളിൽ നിന്നും പഠിച്ചിറങ്ങിയ, നാളിതുവരെയുള്ള എല്ലാ വിദ്യാർത്ഥികളെയും ഉൾപ്പെടുത്തി രൂപീകരിച്ച 'ഗ്ലോബൽ അലൂംനി ഓഫ് ജി. എച്ച്. എസ്. എസ്. മണത്തല' എന്ന വാട്‌സ് ആപ്പ് കൂട്ടായ്മയുടെ ലോഗോ പ്രകാശനം ചെയ്തു.

നിലവിലെ ഏറ്റവും മുതിർന്ന പൂർവ്വ വിദ്യാർത്ഥി ടി. വി. മുഹമ്മദ് യൂസഫ്, ഏറ്റവും ജൂനിയറും ഒന്നാം ക്ലാസ് വിദ്യാർത്ഥിയുമായ ഫാത്തിമ മർവ്വ എന്നിവർ ചേർന്നാണ് ലോഗോ പ്രകാശനം ചെയ്തത്. ചാവക്കാട് സിംഗേഴ്‌സ് മ്യൂസിക് അക്കാദമി ഹാളിൽ നടന്ന ചടങ്ങിൽ അംഗങ്ങളായ കെ. വി. ശശി, ഫൈസൽ കാനാമ്പുള്ളി, നൗഷാദ് അലി, കമറു ബാവ സാഹിബ്, അഷ്റഫ് എന്നിവർ ആശംസകൾ നേർന്നു.