പന്തളം : വ്യത്യസ്തമായി ഓണം ആഘോഷിച്ച് പള്ളി ഭാഗം യുവജനപ്രസ്ഥാനം.കുടശ്ശനാട് സെന്റ് സ്റ്റീഫൻസ് ഓർത്തഡോക്‌സ് കത്തീഡ്രലിലെ പള്ളിഭാഗം യുവജനപ്രസ്ഥാനത്തിന്റെ ഈ വർഷത്തെ ഓണാഘോഷങ്ങളുടെ വേദിയായത് കോട്ടയം സ്‌നേഹക്കൂട് അഭയമന്ദിരം ആയിരുന്നു.

ഓണസദ്യ മാത്രം നൽകാതെ അഭയകേന്ദ്രം സന്ദർശിക്കുകയും അന്തേവാസികൾക്കൊപ്പം ഓണം ഓർമ്മളും പങ്കിട്ടു, കലാപരിപാടികളും നടത്തിയാണ് യുവജനപ്രസ്ഥാനം ആഘോഷങ്ങളിൽ വ്യത്യസ്തത പുലർത്തിയത്. ഒപ്പം, മത്സരങ്ങളും നടത്തി വിജയികൾക്ക് സമ്മാനങ്ങൾ നൽകുകയും ചെയ്ത് യുവജനപ്രസ്ഥാന അംഗങ്ങൾ അന്തേവാസികൾക്കൊപ്പം സന്തോഷത്തോടെ ഒരു ദിവസം ചിലവഴിക്കുകയും ചെയ്തു.