പന്തളം : സേവന വഴിയിൽ സൗരഭ്യം ചൊരിഞ്ഞ് പള്ളിഭാഗം യുവജന പ്രസ്ഥാനം. കുടശനാട് സെന്റ് സ്റ്റീഫൻസ് ഓർത്തഡോക്‌സ് കത്തീഡ്രൽ തീർത്ഥാടന കേന്ദ്രത്തിലെ പള്ളിഭാഗം യുവജന പ്രസ്ഥാനത്തിന്റെ ആഭിമുഖ്യത്തിൽ ആണ് വ്യത്യസ്ത രീതിയിൽ സേവന പ്രവർത്തനങ്ങൾ നടത്തി മാതൃക സൃഷ്ടിക്കുന്നത്.

യുവജനപ്രസ്ഥാനത്തിന്റ പ്രതിമാസ പൊതിച്ചോറ് വിതരണ പദ്ധതിയായ 'അഫ്മറ്റോ' യുടെ ഭാഗമായി പുന്നക്കുന്ന് ബെത് സേഥാ ഹോമിലെ അന്തേവാസികൾക്ക് കഴിഞ്ഞ ദിവസം പൊതിച്ചോറുകൾ നൽകി. പൊതിച്ചോറുകൾ പ്രസ്ഥാനം ഭാരവാഹികൾ ബെത്സേഥാ ഹോം മാനേജർ ഫാ. സന്തോഷിന് നൽകി.

നേരത്തെ , കോട്ടയം 'സ്‌നേഹക്കൂടി' ൽ അന്തേവാസികൾക്ക് ഓണസദ്യ നൽകിയാണ് പ്രവർത്തകർ തിരുവോണം ആഘോഷിച്ചത്. ഒപ്പം വിവിധ പരിപാടികളും മത്സരങ്ങളും നടത്തി അംഗങ്ങൾക്ക് ഒപ്പം പ്രസ്ഥാനം പ്രവർത്തകർ പങ്കെടുത്തു.