കോട്ടയം: കർഷകസംഘടനകളുടെ ദേശീയ ഐക്യവേദിയായ രാഷ്ട്രീയ കിസാൻ മഹാസംഘ് പ്രഖ്യാപിച്ചിരിക്കുന്ന കർഷക രക്ഷാവാരത്തിന്റെ സംസ്ഥാനതല ഉദ്ഘാടനം ഒക്ടോബർ 6ന് വെള്ളിയാഴ്ച രാവിലെ 11 മണിക്ക് കോട്ടയം കളക്റ്റ്രേറ്റ് പടിക്കൽ നടത്തപ്പെടും. കർഷക സംഘടനാ പ്രതിനിധികൾ അന്നേദിവസം കർഷക രക്ഷാ പ്രതിജ്ഞയെടുക്കും. രാവിലെ 10ന് രാഷ്ട്രീയ കിസാൻ മഹാസംഘ് സംസ്ഥാന കമ്മിറ്റിയുടെയും വിവിധ കർഷകസംഘടനാ നേതാക്കളുടെയും സംയുക്ത സമ്മേളനവും നടക്കും. വന്യജീവികൾക്ക് സംരക്ഷണ കവചമൊരുക്കുന്ന ഭരണസംവിധാനങ്ങൾ മനുഷ്യരെ സംരക്ഷിക്കുവാൻ പരാജയപ്പെട്ടിരിക്കുമ്പോൾ കർഷകർ സ്വയം ജീവൻ സംരക്ഷണമാർഗ്ഗങ്ങൾ തേടാൻ നിർബന്ധിതരാകുന്നുവെന്ന് കർഷക സംഘടനകൾ ചൂണ്ടിക്കാട്ടുന്നു.
കർഷക രക്ഷാവാരത്തിന്റെ ഭാഗമായി തുടർന്നുള്ള ഒരാഴ്ചക്കാലം സംസ്ഥാനത്തെ വിവിധ കേന്ദ്രങ്ങളിൽ രാഷ്ട്രീയ കിസാൻ മഹാസംഘ് കർഷകരക്ഷാ സമ്മേളനങ്ങൾ സംഘടിപ്പിക്കുന്നതും കർഷകരക്ഷാ പ്രതിജ്ഞയെടുക്കുന്നതുമാണ്. വിവിധ കർഷക സംഘടനകളും യുവജനവിദ്യാർത്ഥി പ്രതിനിധികളും സാമൂഹ്യ, രാഷ്ട്രീയ, സന്നദ്ധസംഘടനകളും പങ്കുചേരും.
കർഷക രക്ഷാവാരം സംസ്ഥാനതല ഉദ്ഘാടന സമ്മേളനത്തിൽ രാഷ്ട്രീയ കിസാൻ മഹാസംഘ് സംസ്ഥാന ചെയർമാൻ അഡ്വ. ബിനോയ് തോമസ് അധ്യക്ഷത വഹിക്കും. രാഷ്ട്രീയ കിസാൻ മഹാസംഘ് ദേശീയ കോർഡിനേറ്റർ അഡ്വ.കെ.വി.ബിജു, സൗത്ത് ഇന്ത്യാ കൺവീനർ അഡ്വ.വി സി.സെബാസ്റ്റ്യൻ, ഡിജോ കാപ്പൻ, എൻഎഫ്ആർപിഎസ് ദേശീയ ചെയർമാൻ ജോർജ് ജോസഫ് വാതപ്പള്ളി, വിവിധ കർഷക സംഘടനകളുടെ ദേശീയ സംസ്ഥാന നേതാക്കളായ മുതലാംതോട് മണി, പ്രെഫ.ജോസുകുട്ടി ഒഴുകയിൽ, വി.ജെ.ലാലി, റോജർ സെബാസ്റ്റ്യൻ, താഷ്‌കന്റ് പൈകട, ജോയി കൈതാരം, ജിനറ്റ് മാത്യു, ആയാംപറമ്പ് രാമചന്ദ്രൻ, ജോർജ് സിറിയക്, സി.റ്റി.തോമസ്, ഉണ്ണികൃഷ്ണൻ ചേർത്തല, ജോർജ് ജോസഫ് തെള്ളിയിൽ, വർഗീസ് കൊച്ചുകുന്നേൽ, ബേബിച്ചൻ എർത്തയിൽ, ഹരിദാസ് കല്ലടിക്കോട്, ചാക്കപ്പൻ ആന്റണി, പി.രവീന്ദ്രൻ, നൈനാൻ തോമസ്, ജിമ്മിച്ചൻ നടിച്ചിറ, സിറാജ് കൊടുവായൂർ, മനു ജോസഫ്, വിദ്യാധരൻ സി.വി., ജോബിൾ വടാശേരി, റോസ് ചന്ദ്രൻ, അപ്പച്ചൻ ഇരുവേലിൽ, ഷാജി തുണ്ടത്തിൽ, എന്നിവർ പ്രസംഗിക്കും.
