പാലക്കാട്: വിദ്യാർത്ഥികളിൽ സംരംഭകത്വ ബോധവൽക്കരണം നടത്തുന്നതിന്റെ ഭാഗമായി ടൈ കേരളയുടെ നേതൃത്വത്തിൽ ആയക്കാട് സിഎ ഹയർ സെക്കണ്ടറി സ്‌കൂളിലെ പ്ലസ് വൺ വിദ്യാർത്ഥികൾക്ക് ഏകദിന സംരംഭകത്വ ശിൽപ്പശാല സംഘടിപ്പിച്ചു.

സ്‌കൂൾ മാനേജർ മെറീന പോൾ ശിൽപ്പശാല ഉദ്ഘാടനം ചെയ്തു. ഹയർ സെക്കണ്ടറി പ്രിൻസിപ്പൾ ഇൻചാർജ് അനൂപ് കെ അധ്യക്ഷത വഹിച്ചു. വോൾവോ ഇന്ത്യയുടെ ഹ്യൂമൻ റിസോഴ്‌സ് മേധാവി അരവിന്ദ് വാര്യർ, ആൽഫാ സ്ട്രീറ്റ് സഹസ്ഥാപകൻ രാധാകൃഷ്ണൻ സി, ടൈ കേരള സീനിയർ മാനേജർ അനൂപ് ലാൽ എന്നിവർ വിവിധ വിഷയങ്ങളിൽ ക്ലാസുകൾക്ക് നേതൃത്വം നൽകി. മാനേജ്മന്റ് പ്രതിനിധി എൽസ ജോസ് പാലാട്ടി, രെഞ്ചു രാധാകൃഷ്ണൻ എന്നിവർ പ്രസംഗിച്ചു.