അസാപ് കേരള നൈപുണ്യ ശില്പശാല സെന്റ് ജോസഫ്‌സിൽ സംഘടിപ്പിച്ചു
ഇരിങ്ങാലക്കുട: നവകേരള സദസിന്റെ ഭാഗമായി ഇരിങ്ങാലക്കുട സെന്റ് ജോസഫ്‌സ് കോളേജിൽ അസാപ് കേരളയുടെ സഹകരണത്തോടെ നൈപുണ്യ ശില്പശാല സംഘടിപ്പിച്ചു.
ശില്പശാലയിൽ സൈബർ ഫോറൻസിക്സ്, ഓഗ്മെന്റഡ് റിയാലിറ്റി/ വെർച്വൽ റിയാലിറ്റി, U. S ടാക്‌സേഷൻ രംഗത്തെ എന്റോൾഡ് ഏജന്റ് തുടങ്ങിയ മേഖലകളിലെ തൊഴിലവസരങ്ങൾ പരിചയപ്പെടുത്തി. ഫ്യൂച്ചറിസ്റ്റിക്ക് സ്‌കിൽസ് എന്ന വിഷയത്തിൽ നിയാസ് അലി പുളിക്കൽ ക്ലാസ് കൈകാര്യം ചെയ്തു. AR/VR സാങ്കേതിക വിദ്യ എന്ന വിഷയത്തിൽ നവീൻ ശങ്കർ ജി എം, അഖിലേഷ് കെ എസ്, സൈബർ എന്നിവരും, സൈബർ ഫോറൻസിക് എന്ന വിഷയത്തിൽ റെജി വസന്ത് വി ജെയും, യു. എസ് ടാക്ശേഷൻ രംഗത്തെ എന്റോൾഡ് ഏജന്റ് അവസരങ്ങൾ എന്ന വിഷയത്തിൽ CA വിഷ്ണു ഗുപ്ത കെ എസ് എന്നിവരും ക്‌ളാസുകൾ കൈകാര്യം ചെയ്തു
ശില്പശാലയിൽ അസാപ് കേരള ട്രെയിനിങ് ഹെഡ്, ശ്രി. സജി .ടി അധ്യക്ഷത വഹിച്ചു. കോളേജ് പ്രിൻസിപ്പൽ Dr . Sr. ബ്ലെസി ഉദ്ഘാടനം ചെയ്ത ചടങ്ങിൽ ഇരിങ്ങാലക്കുട ബ്ലോക്ക് പഞ്ചായത്ത് പ്രസിഡന്റും, ഉന്നതവിദ്യാഭ്യാസ കൗൺസിൽ ഉപദേശക സമിതി അംഗവുമായ ലളിത ബാലൻ മുഖ്യാതിഥിയായി. മൂരിയാട് ഗ്രാമപഞ്ചായത്ത് പ്രസിഡന്റ് ജോസ് ചിറ്റിലപ്പള്ളി സംസാരിച്ചു. ഐ. ക്യു. എ. സി കോർഡിനേറ്റർ ഡോ. ബിനു ടി വി സ്വാഗതവും, അസാപ് പ്രോഗ്രാം മാനേജർ സൂരജ് പി നന്ദി പറഞ്ഞു.
