കാസർഗോഡ് : ഡിസംബർ 22 23 24 തീയതികളിൽ മാഹിനാബാദ് സി എം ഉസ്താദ് നഗറിൽ വച്ച് നടക്കുന്ന എംഐസി മുപ്പതാം വാർഷിക സനദ് ദാന മഹാ സമ്മേളനത്തിന്റെ പ്രചരണാർത്ഥം നടത്തപ്പെടുന്ന ഉദുമ, ബദിയടുക്ക മേഖല സമ്മേളനങ്ങൾ ഇന്ന് . മേൽപ്പറമ്പ് സി എം ഉസ്താദ് നഗറിൽ വച്ച് നടക്കുന്ന ഉദുമ മേഖല സമ്മേളനം സമസ്ത കേരള ജംഇയ്യത്തുൽ ഉലമ ജില്ലാ പ്രസിഡന്റ് ത്വാഖ അഹമ്മദ് മൗലവി ഉദ്ഘാടനം ചെയ്യും. അഷ്‌റഫ് റഹ്മാനി ചൗക്കിയും, അബ്ദുൾ അസീസ് അശ്‌റഫി പാണത്തൂരും പ്രഭാഷണം നടത്തും. എം.ഐ.സി വർക്കിങ്ങ് സെക്രട്ടറി സയ്യിദ് ഹുസൈൻ തങ്ങൾ മാസ്തിക്കുണ്ട് അനുഗ്രഹ ഭാഷണം നടത്തും. അഡ്വ: ഹനീഫ് ഹുദവി ദേലമ്പാടി സ്ഥാപന പരിചയം നടത്തും.
നെല്ലിക്കട്ട മദ്‌റസ ഹാളിൽ വെച്ച് നടക്കുന്ന എം.ഐ.സി ബദിയടുക്ക മേഖലാ സമ്മേളനം സമസ്ത കേരള ജംഇയ്യത്തുൽ ഉലമ ഉപാധ്യക്ഷൻ യു.എം. അബ്ദുൾ റഹ്മാൻ മൗലവി ഉദ്ഘാടനം ചെയ്യും. പ്രമുഖ പ്രഭാഷകൻ സ്വാലിഹ് ഹുദവി തൂത മുഖ്യ പ്രഭാഷണം നടത്തും. എം.ഐ.സി ദാറുൽ ഇർശാദ് അക്കാദമി പ്രൻസിപ്പാൾ ജാബിർ ഹുദവി ചാനടുക്കം സ്ഥാപന പരിചയം നടത്തും.
രണ്ടു മേഖലാ സമ്മേളനങ്ങളും വൻ വിജയമാക്കിത്തീർക്കാൻ മുഴുവൻ സ്ഥാപന സ്‌നേഹികളും രംഗത്തിറങ്ങണമെന്ന് മേഖലാ സ്വാഗത സംഘം ഭാരവാഹികളായ അബ്ബാസ് ഹാജി കല്ലട്ര, ഹമീദ് തൊട്ടി, ഹമീദ് ഹാജി ചർളടുക്ക , അബ്ദുറസാഖ് അർഷദി കുംബ ടാജെ തുടങ്ങിയവർ അഭ്യർത്ഥിച്ചു.
